A Reserva da Biosfera Mariñas Coruñesas e Terras do Mandeo, escenario de luxo para o Raid Gallaecia

• Un percorrido non-stop de 200 quilómetros con criterios de sustentabilidade para non danar os espazos naturais, así é o Raid Gallaecia que percorrerá espazos da Reserva da Biosfera Mariñas Coruñesas e Terras do Mandeo.
• A proba combina as modalidades de trekking, bicicleta de montaña, kaiak, rápel e orientación e terá lugar en outubro.
• Os equipos son mixtos de catro integrantes
• Hai participación de Francia, Dinamarca, Estonia ou Países Baixos entre doutras latitudes xa que nesta proba tratarán de conquistar o Campionato de Europa e a súa praza para o Mundial 2023.

A Reserva da Biosfera Mariñas Coruñesas e Terras do Mandeo será a sede dunha cita deportiva que a situará en 90 países do continente. Trátase do Raid Gallaecia – Campionato de Europa de carreiras de aventura 2022, que se disputará os días 8 e 9 de outubro.

O percorrido, con inicio e final na localidade de Betanzos, discorrerá sobre 200 quilómetros por explorar nas disciplinas de trekking, bicicleta de montaña, kaiak, rápel e orientación. Equipos mixtos de catro integrantes, con polo menos unha muller e procedentes de Francia, Dinamarca, Estonia ou Países Baixos, entre outros países, tratarán de conquistar o Campionato de Europa e o billete para o Campionato do Mundo 2023 que se celebrará en Sudáfrica.

Sustentabilidade e respecto pola contorna que é Reserva da Biosfera

A sustentabilidade é un aceno de identidade do Raid Gallaecia, que garante a preservación das paraxes que atravesa a competición. Así, os equipos sairán de forma paulatina para non danar a capacidade de carga dos espazos naturais, non se sinalizará o territorio para a proba e os participantes terán que seguir os camiños e as vías, non poderán discorrer por fóra delas.

A saída darase o sábado 8 de outubro ás 10:00 horas. Dividido en oito secciones, o percorrido non-stop do Raid Gallaecia – Campionato de Europa de carreiras de aventura 2022 contará con 200 quilómetros por explorar a través de cinco disciplinas diferentes: trekking (57km), bicicleta de montaña (122km), kaiak (22km) e unha proba especial de rápel. O tempo estimado para a chegada dos primeiros equipos será ao redor de 21 horas e a meta estará aberta ata o domingo 9 de outubro ás 13:00 horas.

A quinta disciplina é a orientación, nexo común nas carreiras de aventura. Os participantes terán que trazar o percorrido coa axuda dun compás para pasar polos puntos de control marcados pola organización nos seus mapas. Non está permitido o uso de dispositivos de navegación con GPS.

Coa organización do Campionato de Europa de carreiras de aventura, a Reserva da Biosfera Mariñas Coruñesas e Terras do Mandeo logrará unha visibilidade sen igual a nivel continental dado que haberá sinal vía streaming para 90 países. Mostraranse os recunchos naturais destes paraxes naturais, sendo un reclamo excepcional.

A sétima edición do Raid Gallaecia, proba adscrita ás Series Mundiais de carreiras de aventura (ARWS, polas súas siglas en inglés), será tamén o escenario para a cuarta carreira da liga Española de Raids de Aventura e a quinta manga da liga Galega de Raids.

O listado provisional de equipos inscritos na ARWS Europe Championship 2022 é o seguinte:

Coñece mellor a Reserva da Biosfera Mariñas Coruñesas e Terras do Mandeo