As licenzas federadas femininas aumentaron a medida que as mulleres foron facéndose un oco no mundo deportivo. Segundo o Anuario de Estadísticas Deportivas de 2019 publicado polo Ministerio de Cultura e Deporte, unha licenza é un documento que permite ás deportistas a participación en actividades ou competicións desta índole oficiais de ámbito estatal dunha determinada modalidade deportivo.
Ten que ser expedido pola federación deportiva española ou da comunidade autonómica integrada en ela. A primeira vez que se diferenzou no anuario ese documento entre homes e mulleres foi no ano 2009. A pesar de que cada ano o número incremente, aínda queda moito camiño para que ambos se igualen.
O número total de licenzas federadas en España no ano 2018 foi de 3.866.867. Dese resultado xeral, existe unha gran diferenza por sexos, concretamente de 2.089.633. Sendo 2.978.250 (77%) as dos homes fronte a 888.617 (23%) as das mulleres.
Extrapolado a Galicia, a nosa comunidade ten un total de 286.304 deportistas federados. Incrementando en 35.815 con respeto ao ano anterior. A desigualdade entre homes e mulleres é de 151.758. Os deportistas suman un total de 219.031 (7,4%), sendo 191.753 no 2017. Pola súa banda as mulleres aumentarían en 8.537 o seu número: 67.273 (7,6%) fronte ás 58.736.
Número de licenzas segundo as modalidades deportivas máis practicadas
O deporte rei neste país continúa sendo o fútbol. O número total de licenzas ligadas a esta modalidade deportiva a nivel nacional é de 1.063.090, quedando repartido en 997.999 (93,9%) para os masculinos fronte á 65.091 (6,1%) das femininas.
O balompé galego ten 96.493 futbolistas federados. As mulleres seguen a representar un número menor, especificamente de 6.838. Pola súa banda, os homes son as 89.655 restantes.
Noutro dos deportes que máis se practican no noso país. As deportistas están moito máis preto de alcanzar aos homes. No baloncesto, o número total dese documento federativo a nivel nacional é de 385.110. As xogadoras de baloncesto —son 138.004 (35,8%)— creceron máis cos homes con respecto ás estadísticas anteriores: 19.744 fronte ás 11.038 masculinas.
Na nosa comunidade, o número de licenzas relacionadas coas canastras e a pintura son de 16.931, as cales 10.844 corresponden aos xogadores de baloncesto e 6.087 ás mulleres. Polo tanto, a diferenza é moito menor ao deporte rei, 4.757.
Nos deportes onde predomina a técnica seguen sendo dominio de mulleres
É verdade que o tempo fai cambiar moitas situacións pero aínda seguen predominando os inicios. Ao principio, era usual ver as mulleres competindo en modalidades deportivas nas que predominaba máis a técnica ca táctica como na hípica, no patinaxe e na ximnasia.
Na actualidade, a maior diferenza atópase na ximnasia. En España, das 49.719 licenzas totais que hai, 45.759 (92%) son de ximnastas femininas. Tan só 3.960 (8%) masculinas atrévense con este deporte. Na nosa autonomía, 4.655 son mulleres e 317 son homes.
Na hípica tamén predominan máis as amazonas que os xinetes. No noso pais son un total de 50.781, 40.232 (69,5%) mulleres están federadas mentras que eles, 15.479 (30,5%). En Galicia, existe unha diferenza de 1.751, sendo elas, 2.897.
Outro das modalidades que, nos inicios das deportistas neste mundo, era considerado feminino era o patinaxe. En España, 64.789 teñen unha licenza nas diferentes disciplinas que se realizan á patíns. Das cales 40.232 (62,1%) son mulleres. Na nosa comunidade a practican 4.515 fronte ás 2.068 das masculinas.
Practican máis mulleres voleibol ca homes
Así é. O voleibol é outro dos deportes nos que hai máis predomio feminino ca masculino. No país, as licenzas do 2017 ao 2018 aumentaron en 6.312, sendo aos do primeiro ano mencionado 78.333 e na actualidade 84.645.
En canto a número de mulleres que o practican tamén xenerou un incremento. No 2017 eran 57.263, agora son 61.906 (73,1%). Un crecemento de 4.643 máis. En cambio, nos homes é menor. Tan só aumentou en 1.669, 21.070 fronte as 22.739 (26,9%) do 2018.
A comunidade galega ten un total de 5.711 licenzas federadas neste deporte. A diferenza de ambos sexos é de 2.243. Elas ocupan 3.977 do total e os homes 1.734.
As mulleres apenas posúen licenzas nos deportes sobre rodas
Hai modalidades deportivas nas que as mulleres apenas teñen presencia. Entre elas, están aquelas nas que se utiliza un vehículo como o automovilismo, o ciclismo e o motociclismo —sobre todo, nesta última—.
En España existen un total de 26.314 persoas que se dedican a correr carreiras en coche. Dese número tan só 2.460 (9,3%) son mulleres fronte aos 23.854 (90,7%) de homes. O que se traduce nunha diferenza de 21.394 licenzas. Se eso o trasladamos a nosa comunidade o número é moito menor. En Galicia, tan só hai 248 corredoras fronte aos 3.098 homes.
Sobre a bicicleta no noso país pedalean un total de 75.680 persoas. As ciclistas teñen pouca representación: 4.605 licenzas sendo o 6,1%, fronte aos 71.075 (93,9%) dos homes. Na terriña, as mulleres ocupan 499 do total (7.427), diferenciandoas dos homes en 6.429.
Pero o abismo atópase no motociclismo, nos grandes premios que se corren neste país e tamén a nivel internacional apenas aparecen os nomes das mulleres. En España hai total de 14.630 motociclistas que posúen este documente. Entre homes e mulleres hai unha diferenza de 13.426. As mulleres representan o 4,1% (602) e os homes o 95,5% (14.028). As galegas teñen moitísimas menos. Das 364 que ten Galicia, 12 son de mulleres e 352 de homes.
