Arrincou con forza e resultados o Autos Cancela Zalaeta no Barrio das Flores. Adxudicouse dous sets moi disputados e púxose o partido de cara. Pero as súas aspiracións foron ao lixo cando no terceiro set as visitantes empezaron o que rematarían unha remontada.
Rematou o primeiro set 26-24 para as galegas e o segundo 27-25. Como apunta os tanteos foron disputados pero as coruñesas conseguían poñer o partido 2-0. Chegou o terceiro e as canarias do CV Aguere emexeron na pista herculina. Un 21-25 foi o resultado dese parcial que colocaba o encontro 2-1.
No cuarto set as xogadoras que adestra Jorge Barrero esmoreceron. O Fedes Ascensores La Laguna levou ese lance cun resolutivo 12-25. Nada que dicir. Co partido 2-2 chegou o quinto e definitivo set. Ana Carolina Westermann sacaou o brazo e chegou aos 34 puntos. Sumou seis bloqueos, e 23 puntos en ataque. Pero e que ademais, na súa contabilidade total do partido asinou cinco puntos directos de saque.
Foron tantos aces os anotados por Ana Carolina Westermann como os que fixo a galega Laura Vázquez, todo hai que dicilo. Pero a coruñesa, que foi unha vez máis a máxima anotadora do Zala (esta vez á par de María Forteza-Rey), quedouse nesta xornada nos 16 puntos. Esa cifra supón menos da metade de puntos no seu haber cos que pousuía ao final do choque a máxima anotadora rival.
A súa compañeira Aylin Pereyra non lle foi á zaga e alcanzou os 22. O terceiro set, coas locales fóra do partido, e as aurinegra enchufadas, marchaba rumbo a terras laguneras cun 2-3 no electrónico do Barrio das Flores. Coma nun pesadelo, o guión repítese. Son xa catro veces as que as herculinas cede o triunfo no 5 º set neste curso 2021-22. Para colmo de males, no partido de ida xa pasara o mesmo tendo como escenario o pavillón Juan Ríos Tejera de La Laguna (25-27, 25-14, 23-25, 25-10 e 16-14).
O conxunto que adestra Ambrosio González soubo resistir, non tirar a toalla e atopou o seu momento. Pero no bando local, reitérase a historia, e o CV Autos Cancela Zalaeta caía derrotado no quinto set.
Madrid Camberí, seguinte rival do CV Autos Cancela Zalaeta nesta SLF2
O seguinte reto das coruñesas do Zala será o Madrid Chamberí. Falamos de visitar ás segundas clasificadas que suman nove puntos máis cas galegas e que perseguen de preto ao VP Madrid (31 puntos). É, sen dúbida, un complicado desprazamento o que agarda ás xogadoras que prepara Jorge Barrero que, arestora, marchan sétimas na clasificación con 20 puntos. O cruce está fixado para as 19:30 do sábado 5 de febreiro no Estadio Vallehermoso.
Con todo, o CV Autos Cancela Zalaeta ten aínda unha cómoda renta con respecto ás súnas inmediatas perseguidoras na táboa clasificatoria da Superliga Feminina 2, o RGC Covadonga que ten so nove puntos, é dicir, once menos cas coruñesas.
FICHA TÉCNICA
2) CV AUTOS CANCELA ZALAETA: Carmen Carvajal (12), Andrea Rivas (15), Laura Vázquez (16), María Forteza – Rey (16), Eleonora Guzzi (3) e Patri Santos (1). Xogaron como líberos: Noa Sánchez e Paula Lorenzo. Tamén xogaron: Carlota Vilariño (-), Iria González (-) e Irene Yáñez (3).
3) FEDES ASCENSORES LA LAGUNA: Nuria Melián (2), Ana Carolina Westermann (34), Erika González (7), Gabriela Sabino (2), Aylin Pereyra (7) e SElene Pérez (4). Líbero: Sara González. Tamén xogaron : Marta Gutiérrez (6) e Ainoa Vargas (-).
PARCIAIS: 26-24, 27-25, 21-25, 12-25 e 8-15.
ÁRBITRO: Pedro Pidal Otero, principal, Juan Pimentel Gonzalez, segundo, e Sandra Vidal Freire, anotadora.
INCIDENCIAS: Partido da 14ª xornada da Super Liga Feminina 2 de Voleibol da RFEVB (Real Federación Española de Voleibol). O encontro xogouse no Pavillón coruñés do Barrio das Flores con público nas bancadas.
