Nin ao ENCE Marín Futsal, nin ao AD Alcorcón lle resolve o reparto de puntos que ambos os dous equipos colleitaron no seu enfrontamento desta semana. O partido, xogado na Raña, correspondía a sexta xornada da Primera División RFEF do FutSalFem e rematou cun 1-1. Lara Balseiro foi a única goleadora do partido. Anotou primeiro en propia porta, adiantando ás visitantes, e devolveu logo ás táboas ao electrónico da cancha de Marín.
Non houbo goles na primeira metada na que o ENCE Marín Futsal e a AD Alcorcón alternaron o control do partido e do esférico. Foi tempo de lucirse para Estela e Silvia Aguete baixo paus.
O xeito de abrir o marcador non foi o esperado por ningunha das dúas bandas. Lara Balseiro intentaba despexar e mandaba o balón ao fondo da rede que defendía a súa compañeira Silvia Aguete (0-1). Un gol en propia porta do que se resarciría a internacional do ENCE Marín Futsal anotando logo o empate no minuto 35 (1-1). O conxunto galego botara man do xogo de cinco e a aposta ofensiva tivo como froito a igualada.
Nin locais nin visitantes renunciaron a gañar, pero o marcador xa non se movería do 1-1 e do reparto de puntos na Raña.
FICHA TÉCNICA
1) ENCE MARÍN FUTSAL: Silvia Aguete; Jessy, Ceci, Ale de Paz e Pau – quinteto inicial -. Tamén xogaron: Sara, Adriana, Lara Balseiro, Bea Mateos e María León.
1) AD ALCORCÓN: Estela; Aída de Miguel, Pepa, Nere Moldes e Marta Nuño – quinteto inicial -. Tamén xogaron: Tania, Laura, Carmen Alonso, Laura Oliva e Patri Arruti (porteira suplente).
GOLES: 0-1, min. 26 Lara Balseiro (propia porta). 1-1, min. 35 Lara Balseiro
EQUIPO ARBITRAL: Colexiados Ferrero Carballal e Rodríguez Pontanilla. Amonestaron con cartón amarelo ás futbolistas do ENCE Marín Futsal Sara, Bea Matos, Pau e Ceci, mentres que na AD Alcorcón foron sancionadas con cartón amarelo Clau López, Laura, Marta Nuño e Raúl Castro.
INCIDENCIAS: Partido disputado na cancha da Raña en Marín correspondente á sexta xornada da Primera División da RFEF FuSalFem.
