Había que romper a mala racha e así se fixo, cunha traballada remontada. En ocasións, aínda que as cousas se estean facendo ben, o cruel marcador e o que xulga a un equipo. Desta vez, as lucenses víanse obrigadas a gañar e así o fixeron, poñendo o punto e final á que seguramente podía convertirse nunha preocupante dinámica, especialmente a nivel de sensacións.
As xogadoras do Durán Maquinaria Ensino comenzaron acertadas en ataque, pero concedían moitas facilidades ás súas rivais en defensa e a tripleta Delaere-Gladkova-Coulibaly funcionaba a pleno rendemento.
As pantasmas en forma de irregularidades dos dous anteriores partidos por parte do equipo de Carlos Cantero, e o xogo interior, que tanto temía o adestrador das galegas, foron argumentos máis que suficientes para que o IDK Euskotren gañase os dous primeiros parciais e chegase ao descanso cunha cómoda vantaxe. Preto dos psicolóxicos 10 puntos. (36-45).
Á volta do intermedio, as locais reaccionaron guiadas por unha Stanacev que anotaba 7 puntos seguidos, achegando ás súas (45-50). A mellora en defensa e o peche do rebote facían bos os esforzos das galegas por conseguir a remontada do encontro.
Bea Sánchez e Hempe tomaron o relevo de Stanacev en ataque para situar ao seu equipo un punto arriba (59-58). Remontada e todo o último cuarto por disputarse.
Cantero: “Na primeira parte as cousas funcionaban en ataque, pero en defensa non”
Na súa lectura do partido o adestrador do Durán Maquinaria Ensino, Carlos Cantero, explicaba o motivo polo que o equipo amosou uns guarismos na primeira metade e outros na segunda. “Na primeira parte estabamos ben en ataque, realmente estabamos funcionando ben aí, pero en defensa, non”.
Detallaba o técnico do equipo de Lugo que o rival metíalles “balóns interiores fáciles, non estabamos sendo duras en defensa, non asegurabamos ben o rebote… Ao final o ataque non era malo, pero non había unha boa porcentaxe pola defensa. Que pasou na segunda metade? Pois que nos puxemos a defender”, aseverou con rotundidade o preparador das galegas.
🔥MVP de la afición🔥
C O M A N D A N T E
S T A N A C E V🏹 12 Puntos
⛏️ 4 Rebotes
🏀 4 Asistencias#LFendesa | #SomosEnsino | #VoltaráLoita pic.twitter.com/HRGwhx8Nb2— Ensino Lugo (@EnsinoLugoCB) October 3, 2020
Carlos Cantero destacou o cambio de actitude do seu equipo tras o descanso: “Puxémonoss a defender, aseguramos o rebote, impedímoslles que metesen balóns interiores fáciles, e iso permitíanos á vez correr, xogar con máis dinámicas e atacarlles moito mellor o Pick & Roll que é onde tiñan elas unha debilidade”.
Carlos Cantero, adestrador do durán Maquinaria Ensino: “Puxémonoss a defender, aseguramos o rebote, impedímoslles que metesen balóns interiores fáciles, e iso permitíanos á vez correr dende a defensa, xogar con máis dinámicas e atacarlles moito mellor o Pick& Roll que é onde tiñan elas unha debilidade”.
Unha remontada con carácter
A experiencia e o carácter das lucenses serviron para dar continuidade á reacción mostrada nos anteriores 10 minutos. Desta vez o equilibrio mostrado en ámbolos dous lados da cancha foi determinante. As galegas xa tiñan collida á medida ás visitantes en defensa e as boas porcentaxes de tiro en ataque (10 de 21 en triples ao final do encontró por tan só 2 de 10 polo conxunto euskera) disparaban no marcador ás lucensese e permitíanlles abrochar a primeira victoria desta tempada na Liga Endesa.
Este triunfo con remontada sitúa ao conxunto galego na metade da clasificación, cun balance dunha victoria e dúas derrotas, empatado precisamente co IDK Euskotren.
Ao final do partido, Carlos Cantero destacaba que a victoria “danos ese plus de positividade e de confianza para saber qué podemos facer e qué temos que facer a partir de agora para gañar”.
Explicaba o técnico que as lucenses seguen “sendo irregulares porque fixemos unha primeira parte irregular, tirando mal, e unha segunda parte moi boa. Así que seguiremos traballando en busca desa regularidade para xogar máis tempo nesa boa dinámica”.
Carlos Cantero, adestrador do Durán Maquinaria Ensino: “Ao final do partido, Carlos Cantero destacou que a victoria “danos ese plus de positividade e de confianza para saber qué podemos facer e qué temos que facer a partir de agora para gañar”.
A próxima xornada o Durán Maquinaria Ensino viaxará a terras vascas para medirse co Lointek Gernika Bizkaia que ven de perder fronte o poderoso Spar Girona. Será unha boa oportunidade para continuar coa boa dinámica e afianzarse nos postos que permitan soñar co play-off polo título.
FICHA TÉCNICA
DURÁN MAQUINARIA ENSINO: Merritt Hempe (18), Natalie Van den Adel (15), Aleksandra Stanacev (12), Alba Prieto (5), Bea Sánchez (10) – quinteto inicial-, Vega Gimeno (15), Marta Tudanca (-), Chatrice Marie White (12), Laura Aliaga (3), Alicia Villegas (-), Marta blanco (-).
IDK EUSKOTREN: M. Erauncetamurgil (2), Lara González (4), Mariam Coulibaly (16), Antonia Delaere (15), Iullia Gladkova (19)—quinteto inicial—, Joyce Cousseins (5), Oumoul Sarr (6), Laura García (2), Meiya Tirera (2), Ane Esnal (-).
ÁRBITROS: Carlos Javier García León, Juan Gabriel Carpallo Miguélez e Jaime Gómez Luque.
INCIDENCIAS: Pazo Provincial dos Deportes de Lugo.
PARCIAIS: 17-25, 19-20, 22-13 e 21-13 (80-71)