Ao Pescados Rubén Burela parece non afectarlle non ter pasado á final da Copa Galicia. Plantouse como visitante en Móstoles na xornada 22 da Primeira do FSF da RFEF, con autoridade para levar a casa os tres puntos, despois de gañar efectuando unha impresionante remontada 2-3 ao Fútbol Sala Feminino Móstoles.
O partido empezaba cun Pescados Rubén Burela con ganas de conseguir a vitoria, adiantándose nos 2 primeiros minutos mediante obra de Ale de Paz. As laranxas buscaban máis a portería contraria, e non se amedrentaban #ante as terceiras clasificadas, que apenas perderon, con este último 2 partidos en casa.
Con todo, chegado o ecuador da primeira metade, as locais empezaron a atoparse mellor sobre a pista, e o Pescados Rubén Burela estaba a perder moitos balóns e tendo faltas de comunicación. O FSF Móstoles estaba a xerar máis, ata que chegou o xusto empate tras un fantástico gol de Benete.
Os últimos minutos da primeira parte foron similares, as burelistas non conseguían mellorar o seu xogo e volver combinar como na primeira fase do partido, e tras un tempo morto no minuto 18, puxéronse por diante as locais a través dunha combinación entre Benete que asiste a Sara Santos. Con isto acaba a primeira parte.
No inicio da segunda parte, o Pescados Rubén Burela sae con intencións de anotar e a medida que van a avanzando os minutos, van recuperando o seu xogo. Van sucedéndose as ocasións, ata que, tras unha xogada ensaiada, Jenny empata o partido merecidamente. Chegado o minuto 30, as laranxas exercían a súa mellor versión sobre a pista, e seguían chegando unha e outra ocasión que evitaba a porteira do FSF Móstoles Ari.
Chegado o minuto 35 como consecuencia dun trallazo de falta de Ale de Paz, pon por diante ao Burela e culmínase a buscada remontada. Despois deste feito, as visitantes xogan a súa carta de porteira xogadora para buscar o empate.
Os instantes finais de xogo caracterizáronse por unhas laranxas xogando de maneira sensacional co seu resultado favorable, aguantando e en ocasións, con oportunidades de aumentar a súa renda.
Seguindo esa pauta, vai chegar o final do partido co definitivo 2-3, tras unha remontada das burelistas, que nos demostran en todos os partidos que sempre hai que confiar nelas.
O Burela, mantense segundo
Con este resultado o Pescados Rubén Burela mantense na segunda praza, por detrás do Futsi Atlético Navalcarnero quen, por certo, perdía esa xornada a súa condición de invicto ao caer por vez primeira nesta tempada en Liga. Foi tras 22 xornadas e na cancha do Melilla Sport Capital Torreblanca FS (5-3).
Pola súa banda, o FSF Móstoles ve como as galegas do Poio Pescamar adiántanlle na táboa clasificatoria. Quedan as madrileñas cuartas e as galegas terceiras. Maior dominio do futsal galego na categoría de ouro desta modalidade deportiva no ámbito estatal.
Na vindeira xornada o equipo da Mariña recibe en Vista Alegre ao Arriva AD Alcorcón FSF, que vai oitavo con 33 puntos no seu casilleiro.
FICHA TÉCNICA
2) FÚTBOL SALA FEMENINO MÓSTOLES: Ari, Patri Chamorro, Myrielen Inma, Benete e Rafinha – quinteto inicial -. Tamén xogaron: Pilar Ros, Sara Santos, Lucía, Silvia, Celia e Clara Chaves.
3) PESCADOS RUBÉN BURELA: Jozi, Dany, Emilly, Ale De Paz e Camí, – quinteto inicial -. Tamén xogaron: Jenny, Lara Balseiro, Elenita, Bea Mateos, Cilene, Elena Aragón, M. Cortés e Sandra Buzón.
GOLES: Min 2 Ale de Paz 0-1; Min 13 Benete 1-1; Min 18 Sara Santos 1-2; Min 25 Jenny 2-2; Min 35; Ale de Paz 2-3.
EQUIPO ARBITRAL: Mayo López, Héctor – Panadero Diaz Concha, Carlos , Lopez Moreno, Angel – Jarque Ruiz, Alejandro. Amosaron cartón amarelo polo FSF Móstoles a Rafinha, Celia e Inma. Mentres que nas filas do Pescados Rubén Burela amonestaron con cartón amarelo a Jenny.
INCIDENCIAS: Partido correspondente á xornada 22 da Primeira División do Fútbol Sala Feminio da RFEF, disputado no pavillón Villafontana.
