Os clubs de fútbol coruñés integrados na AFAC (Asociación de Fútbol Aficionado de A Coruña) recibiron unha achega por parte da refinería de Repsol na Coruña en forma de material deportivo.
En total 29 clubs foron os beneficiaros desta acción. Entre os directivos presentes estaba a presidenta do Sporting Ciudad A.C. y D., Marina Sánchez de la Peña, unha das mulleres que actualmente presiden equipos deportivos en Galicia.
O acto tivo lugar durante a celebración da Asamblea Xeneral da Asociación, presidida por Manuel Vázquez, quen agradeceu o apoio da Refinería.
Nos paquetes entregados aos preto de trinta clubs, había 1200 petos deportivos para as actividades destas entidades que manexan 258 equipos en competición actualmente.
Segundo explican desde Repsol, “esta acción está dentro do compromiso da refinería de Repsol coa súa contorna máis cercana, onde desenvolve a súa actividade desde 1964″. Desde a refinería coruñesa relatan que a compañía leva a cabo “anualmente máis de 50 actuacións nos ámbitos do social, cultural, educativo e deportivo”, como é este caso.
A AFAC, unha entidade nada en 1987
A Asociación de Fútbol Aficionado de A Coruña (AFAC) naceu no ano 1987 co obxectivo de traballar a prol da práctica e difusión do fútbol, nomeadamente no fútbol base da cidade da Coruña. Actualmente este coletivo aglutina a 29 clubs e consigue que preto de 8.000 persoas conten cunhas actividades deportivas ao longo de cada tempada creadas pola propia asociación e que cumplimentan ás competicións organizadas pola Federación Gallega de Fútbol.
