Vitoria solvente, reencontro co triunfo en cancha propia tras semanas de sequía e todo iso con numerosas baixas nas súas filas. Non pode haber máis ca satisfacción nas filas do Conservas Orbe Rubensa BM Porriño tras vencer ao KH-7 BM Granollers por 26-18 nesta 17ª xornada da Liga Guerreras Iberdrola.
Volvía o equipo galego á competición ligueira logo do parón con numerosas baixas e necesitado de boas novas. O conxunto que adestra Ismael Martínez acadou o éxito que animicamente precisaba e que mantén ás galegas na zona nobre da clasificación da Liga Guerreras Iberdrola. Son cuartas con 21 puntos. so un menos que as segundas (Costa del Sol Málaga) e as terceiras (Rocasa Gran Canaria). Certo é que están empatadas a 21 puntos coas quintas, o Atticgo BM Elche.
O Conservas Orbe Rubensa BM Porriño acumulaba dous partidos perdidos de xeito consecutivo e ademais sumaba ata catro baixas nas súas filas. Con todo, as galegas déronlle a cara ao partido e levaron o triunfo. E iso que nos primeiros minutos cinco eran as visitantes as que se poñían por diante.
Ao descanso as do Porriño vencían 15-11. Co paso dos minutos, e logo dunha sequía inicial en ambas escuadras ao arranque da segunda metade, as galegas foron tomando vantaxe ata vencer 26-18 ao KH-7 BM Granollers.
FICHA TÉCNICA
26) CONSERVAS ORBE RUBENSA BM PORRRIÑO: Carolina Bono (2), Micaela Casasola (6), Alicia Campo Bastos (4), Malena Vallés Becerra (-), Inés Hernández (2), Fátima Ayelen Rosalez Cabrera (p), Estela Carrera (p), Ariana Portillo (-), Maider Barros (3), Sarai Samartín (4), Paulina Pérez Buforn (3), Carmen Prelchi (1), Carme Castro (-), Lucía Méndez (1) e Begoña Otero (p).
18) KH-7 BM GRANOLLERS: Nicole Wiggins Sancho (p), Imane Ben Chayhab Sabar (-), Alba Tort (-), Ona Vila Pujol (1), Lea Miriam Kofler (4), María Grasielly Brasil Pereira (1), Ona Vegue i Pena (3), Marta Mera (p), Esther Somaza Bosch (1), Ana González Sánchez (3), Sabryne Santos Souza (-), Jana Castañera Bravo (-), Kadidiatou Jallow Diallo (1) e Martina Capdevila Barbany (4).
PARCIAIS CADA CINCO MINUTOS: 2-3, 5-5, 10-7, 11-9, 11-9, 15-11 – descanso – 15-12, 17-14, 18-14, 20-16, 23-16 e 26-18.
EQUIPO ARBITRAL: Enrique Pérez González, Luis Díaz-Flores Gómez-Calcerrada, cronometradoras: Andrea Cabaleiro Veloso e Viviana Meira Maya.
INCIDENCIAS: Partido correspondente á 17ª xornada na Liga Guerreras Iberdrola da RFEBM celebrado no Pavillón Municipal do Porriño.