A remuda 4×50 estilos do CN Arteixo e Ana Cernadas baten récords no autonómico de natación

O CN Arteixo e Ana Cernadas bateron récords no Campionato Galego de Natación Absoluto Inverno en piscina de 25m. A nadadora co Club Fluvia de Lugo acadou ademais dúas mellores marcas.

En concreto, Ana Cernadas, do Club Fluvial de Lugo, batía a marca do campionato nos 100m costas e a remuda 4×50 estilos do CN Arteixo facía o propio.

Boas sensacións nesta competición que vén de dar comezo hoxe, domingo 3 de xaneiro de 2021, e que continuará até o martes 5 na piscina Rías do Sur da cidade de Pontevedra.

A presente edición está a ser un tanto especial debido á actual situación de pandemia producida pola COVID-19, según explica a Federación Galega de Natación. A cita está disputándose de tal xeito que, durante as tres primeiras sesións, teñen lugar todas as probas femininas para continuar coas masculinas nas 3 últimas sesións. Búscase garantir a seguridade en canto a aforos no recinto deportivo.

A competición feminina desarrollouse durante toda esta xornada de domingo e rematará mañá luns 4 de xaneiro. Os rapaces competirán o luns pola tarde e o martes todo o día.

A competición transmítese vía streaming na páxina web da Federación Galega de Natación.

Os récords de campionato batidos son os seguintes:

• Ana Cernadas González do C. Fluvial Lugo en 100 costas con 1:02:04.
• Remuda 4×50 estilos do C.N. Arteixo (Antía Gómez Taibo, Paula Otero Fernández, Noelia Gómez López, e Alba Gómez Mesías) con 1:59.20.

As mellores marcas batidas son:

• Ana Cernadas González do Club Fluvial Lugo MMG 17 anos en 100 costas con 1:02:04.
• Ana Cernadas González do Club Fluvial Lugo MMG 17 anos en 50 costas con 29:64.

Até este momento, a clasificación feminina lidéraa o equipo do Club Natación Ponteareas con un total de 326,00 puntos no seu haber.

Compiten neste campionato galego un total de 22 clubs chegados de diferentes lugares de Galicia:

1. A.D. Fogar
2. A.D. Náutico de Narón
3. Club del Mar de San Amaro
4. C.D.N. Cidade de Santiago
5. Club Fluvial de Lugo
6. Club Marina de Ferrol
7. C.N. Arteixo
8. C.N. Arzúa
9. C.N. Cedeira
10. C.N. Coruña
11. C.N. Ferrol
12. C.N. Galaico
13. C.N. Liceo
14. C.N. Monforte de Lemos
15. C.N. Mos
16. C.N. Pabellón Ourense
17. C.N. Ponteareas
18. C.N. Redondela
19. C.N. Vigo Rías Baixas
20. C.N. Riveira
21. R.C.N. de Vigo
22. S.D.C.N. Boiro

Na lista de persoas inscritas nesta cita hai 253 deportistas, dos cales 119 son mulleres, e 134 son homes.

O Club Natación Arteixo impúxose en cinco probas individuais deste campionato galego de inverno de natación con éxitos das nadadoras Paula Otero e Alba Gómez. É tamén salientable que a nadadora Paula Otero Fernández acadou o Trofeo Paula Carballido á mellor nadadora por táboa FINA pola proba de 800 libre.

Tamén coleitaron éxito as arteixás nas remudas. En concreto o CN Arteixo impúxose na proba de 4×50 m estilos (batendo o récord do campionato) e subiu ao podio no segundo lugar nos 4x100m libres eo s 4×200 m libres. O Real Club Náutico Vigo venceu nas remudas de 4x100m libres e 4x200m libres e quedou segundo nos 4x50m estilos. No caso do Club Natación Ponteareas as nadadoras foron terceiras nos 4x50m estilos e segundas nos 4×100 e 4×200 m libres.

RESULTADOS

4x50m estilos

1. CN Arteixo
2. RCN Vigo
3. CN Ponteareas

4x100m libres

1. RCN Vigo
2. CN Ponteareas
3. CN Arteixo

4x200m libres

1. RCN Vigo
2. CN Ponteareas
3. CN Arteixo

100m bolboreta Julia Rodríguez do RCN Vigo

200m estilos Paula Otero do CN Arteixo

50m libres Alba Gómez do CN Arteixo

200m braza Sofía Carballo do CN Ponteareas

50m costas Ana Cernadas do Club Fluvial Lugo

400m libres Paula Otero do CN Arteixo

100m estilos Carla Faro do CN Ponteareas

200m libres Alba Gómez do CN Arteixo

100m costas Ana Cernadas do Club Fluvial Lugo

200m bolboreta Paula Otero do CN Arteixo

50n braza Sofía Carballo do CN Ponteareas

1.500m libres María de Valdés do CN Liceo

RESULTADOS DO CAMPIONATO GALEGO ABSOLUTO DE INVERNO DE NATACIÓN