A primeira das probas do calendario do Coruña Corre celebrouse hoxe, domingo 23 de xaneiro de 2022 en Matogrande, unha cita con récord de corredores inscritos, máis de 1.800 corredores. Foron sete quilómetros de percorrido, coa novidade da entrada ao estadio do campus universitario de Elviña. Pisar o tartán desta instalación deportiva foi unha das experiencias que resaltaron moitas das persoas participantes na proba. Uxía Rodríguez foi a primeira muller en cruzar a meta.
🎦 Así foi a chegada a meta na categoría feminina da proba de #Matogrande do #CoruñaCorre‼️
Vitoria para Uxía Rodríguez Negreira 👏👏
Na #Coruña, corremos nos barrios🤗 pic.twitter.com/uwjBExJW5l— A Coruña Deportes (@coruna_deportes) January 23, 2022
As persoas que cruzaron a meta nesta proba de Coruña Corre en primeiro o lugar por orde, de primeira a terceira e foron segundo as categorías indicadas:
- Categoría sénior feminina: Uxía Rodríguez Negreira, Nerea Sánchez Rocha e Iria Sánchez Prieto.
- Categoría sénior masculina: Alejandro Diego Montero, Abdelaziz Fatihi e Álvaro Marín Pérez.
- Sub 23 feminino: Ana Bort Respino, Rosalía Ortega e Andrea Pérez Fernández.
- Sub 23 masculino: Áxel Varela Martínez, Martín Blanco Prego e Daniel Fernández Argul.
- Sub 20 feminino: Lucía Vázquez Hermida e Ana Fernández Peiteado.
- Sub 20 masculino: Yago Ignacio García Sanz, Guillermo Sánchez Ruiz e Tomás Prada Maroño.
- Sub18 feminina: Ainoa Gontán Iglesias, Inés Vázquez Sánchez e Susana Amor Castro.
- Sub18 masculina: Jorge Vázquez Pérez, Gonzalo Cao Blanco e Juan Cañizo González – Elipe
- Sub16 feminina: Irea Alén Fernández, Paula Vázquez Hermida e Paula Bellas Soto.
- Sub16 masculina: Berket López Díaz, Iker Lavandeira Rodríguez e Juan Bouzo Blanco.
- Sub14 feminina: Jimena Outes Graíño, Alba Morales Pedreira e Vega Aldrei Ventureira.
- Sub14 masculina: Enrique Cuíña Fernández, Adrián Paz Celeiro e Pablo Vázquez Maiztegui
- Sub12 feminina: Lucía Agueitos Romero, Martina Bermúdez Taboada e Rachel Ortiz Delgado.
- Sub12 masculina: Josep Bastos Diz, Antón Viña López e Hugo Oubel Lorenzo.
- Sub10 feminina: Sara Zuluaga Lamazares, Paula Morales Pedreira e Alma García García.
- Sub10 masculina: Hugo Cordal Amarelle, Thiago López Rodríguez, Enrique Vesteiro López.
Pódense consultar nesta ligazón todos os resultados deste Coruña Corre de Matogrande.
A concelleira de Deportes, Mónica Martínez, participou na proba e o concelleiro de Educación, Jesús Celemín, e o reitor da UDC, Julio Abalde, foron os encargado da entrega de premios, á unha da tarde, nun animado acto nas instalacións do colexio Liceo La Paz.
Como se pode ver polas clasifacións, a proba contou con diferentes categoría, pero temos que confesar que se unha delas nos roubou o corazón foi a de biberóns. Aquí podedes ver como gozaron do tramo as e os participantes.
🎦 Máis imaxes desde #Matogrande coas probas para biberóns de #CoruñaCorre pic.twitter.com/I07AJhRY3d
— A Coruña Deportes (@coruna_deportes) January 23, 2022
Coruña Corre é unha cita deportiva inclusiva. Nela non faltaron na cita os Marines Enki. Por poñervos algúns exemplos, Pedro Vázquez Ramil fixo a carreira no seu triciclo e Víctor García Carro, co seu guía. E aquí temos a Inés na categoría Sub10 completando a proba.
Na sub10 da proba de #Matogrande do #CoruñaCorre participou (e completou a carreira)
Inés, todo un exemplo de superación 👏👏👏 pic.twitter.com/xifp0CZY7l— A Coruña Deportes (@coruna_deportes) January 23, 2022
Coruña Corre, volve tras dous anos de parón pola COVID
O Concello da Coruña impulsa de novo, despois dunha obrigada parada de dous anos por razóns sanitarias, o circuíto de carreiras populares Coruña Corre, que neste 2022 chega á súa novena edición cun calendario de sete probas ideadas para fomentar o deporte nos barrios da cidade, un compromiso adquirido polo Goberno municipal de Inés Rey durante o vixente mandato.
O circuíto Coruña Corre proseguirá con outras seis citas atléticas. A seguinte está fixada para o vindeiro 26 de marzo. Será a carreira nocturna da Torre de Hércules #QuerémonosVivas. Máis adiante, o 8 de maio, está prevista no calendario de probas atléticas de Coruña Corre a Baixada Popular de Cross de San Pedro de Visma. Ese mesmo mes pero o día 22 de maio, é a data fixada para a carreira dos Rosales. Despois da pausa dos meses estivais, xa o 11 de setembro terá lugar a Volta a Oza, esta cita estará seguida polas probas do 23 de outubro no Ventorrillo e o 27 de novembro en Novo Mesoiro.
Aberto o prazo de inscrición ata o 6 de febreiro para a media maratón Coruña21
Ademais, o 13 de febreiro, a cidade vivirá de novo outra das súas grandes citas populares do calendario deportivo coa celebración da decimocuarta edición do medio maratón Coruña21 (C21). Desde este xoves xa é posible inscribirse a través da web www.carreirasgalegas.com. O prazo finalizará o vindeiro 6 de febreiro.
A proba, integrada no calendario da Real Federación Española de Atletismo (RFEA), suporá unha nova oportunidade para gozar do running na cidade da Coruña. A inscrición será de 18 euros no primeiro prazo (ata o 30 de xaneiro); de 30 euros para os inscritos en segundo prazo (do 31 de xaneiro ao 6 de febreiro); e de 40 euros para os que se inscriban entre os días 7 e 8 de febreiro.
Comeza o #CoruñaCorre 2022‼️ Volve este circuíto de carreiras populares despois do parón pola Covid. Hoxe, a actividade está en Matogrande. Na #Coruña, corremos nos barrios🏃🏃♀️ pic.twitter.com/5Ge21YEGAj
— A Coruña Deportes (@coruna_deportes) January 23, 2022
Haberá condicións especiais para as persoas desempregadas e xubiladas, que terán un desconto do 50 % da cota que lles corresponda.
A app móbil de Coruña Corre, xa dispoñible para descargar en Android e iOS Para facilitar o acceso da cidadanía ao calendario e actualizacións do circuíto Coruña Corre, o Concello da Coruña impulsou a posta en marcha dunha nova aplicación móbil, xa dispoñible para dispositivos Android e iOS na Play Store e a tenda en liña de Apple, para que as usuarias e os usuarios interesados nas carreiras populares poidan inscribirse, consultar as súas marcas e os percorridos das probas en todo momento.
📣 Temos unha gran novidade para esta edición do #CoruñaCorre‼️
📲A app móbil do circuíto, que xa está dispoñible para descargar en Android e iOS
Para facilitar o acceso da cidadanía ao calendario e actualizacións do circuíto Coruña Corre
🎦 Presentámoscha neste vídeo ⬇️ https://t.co/0HG8YYavM3 pic.twitter.com/G2AfuUuSF8— A Coruña Deportes (@coruna_deportes) January 14, 2022
