Tres atletas galegas competiron con bos resultados no Mundial de Atletismo Paralímpico que se ven de celebrar en Nova Delhi. Desi Vila asinaba un 6.º posto no salto de lonxitude T63 pero cunha marca de 4.56 m que lle fai acreedora do récord de España. Nos 1.500m (T11) Ana Varela Mosteiro conseguía a 4.ª praza. E nos 100m (T13) Adi Iglesias finalizaba en 7.ª posición aqueixada dunha lesión nos isquios que lle impediu incluso facer parte da carreira de 200m.
Hai unhas datas pechabamos o Campionato do Mundo de Atletismo salientando o excelente balance dos representantes de Galicia. A quenda agora é para as tres para atletas galegas que competiron no Campionato do Mundo de Atletismo Paralímpico que se disputou na cidade india de Nova Delhi.
Ao Mundial a que a Selección Española acudía cun total de 29 atletas en representación das Federacións Españolas de Deportes para Cegos (FEDC), de Deportes para Personas con Discapacidade Física (FEDDF) e da Federación Española de Deportes para Personas con Discapacidade Intelectual (FEDDI).
Debut rozando o podio para Ana Varela
Ana Varela Mosteiro e o seu guía Luis Pinedo chegaban á final dos 1.500 m. (T.11) e lograban unha extraordinaria 4ª posición rematando ás portas do podio cun tempo de 4:15.76 no que representaba o debut internacional da atleta galega.
Ver esta publicación en Instagram
O récord de España de Desi Vila
Seguindo ca actuación das galegas, a viguesa Desi Vila completaba unha excelente participación sobre o foso de lonxitude do Estadio Jawaharlal Nehru. Comezaba o concurso cun 4.40 m. que daban paso a tres nulos. No quinto salto, e xa máis relaxada, chegaba ata uns 4.37 m. que daban paso ao que sería, ata o momento, ao máis longo da súa carreira deportiva con 4.56 m.
🇪🇸 Desirée Vila bate el récord de España en salto de longitud (clase T63).
👏 La marca de la saltadora gallega, de 4.56 metros, le ha servido para lograr una destacada sexta posición en la final de salto en los Mundiales de Nueva Delhi. pic.twitter.com/Xt8hCK22xi
— CSD (@deportegob) October 2, 2025
Con este gran salto lograba ademáis da sexta posición da clasificación xeral, un novo récord de España, segundo informa a Federación Galega de Atletismo.
Ver esta publicación en Instagram
Unha lesión nos isquios mina a Adi Iglesias
Para rematar, a mala fortuna cebouse neste campionato ca nosa bimedallista Paralímpica Adi Iglesias que partía como unha das serias aspirantes ao título tanto na proba dos 100 como na dos 200 m. Novamente os isquios, que xa lle derán máis dun problema, impediron á lucense rendir ao máximo nivel na final dos 100 m. que apenas puido rematar con 13.74, logrando malia elo, un posto de finalista rematando a proba na sétima posición.
Ela mesma anunciaba a través das súas redes sociais a renuncia a tomar parte nos 200 m.
Ver esta publicación en Instagram
Como resumo, sabor agridoce pola lesión de Adi Iglesias, pero que pon en valor o gran campionato realizado tanto por parte de Desi Vila como de Ana Varela, situándoas nos postos top das súas respectivas probas a nivel mundial.
