- Recoñecemento aos mellores árbitros da cidade
A concelleira de Deportes da Coruña, Mónica Martínez, aproveitou a presentación dunha campaña contra a violencia no deporte nas instalacións municipais para recibir nas instalacións da Cidade Deportiva da Torre Arsenio Iglesias aos árbitros coruñeses de fútbol que foron premiados ou ascendidos de categoría polo seu labor profesional durante a pasada tempada. Na recepción tamén estiveron as colexiadas Eugenia Gil Soriano e Beatriz Cuesta Arribas.
Ese grupo de colexiados de fútbol coruñeses premiados está integrado por: Diego Sánchez Rojo, mellor asistente de Primeira División; Fabián Blanco Rodríguez, mellor asistente de Segunda División; Pedro Oreiro Hermida, ascenso a 2ª RFEF; Rubén Vázquez Pernas, ascenso como asistente a 1ª RFEF; Diego Cusset, delegado ascendido a 2ª RFEF; e Álex Represas, árbitro ascendido a 3ª RFEF.
A concelleira destacou o seu papel, levando á Coruña á elite do arbitraxe, e a súa capacidade para mediar e amosar neutralidade nas competicións nas que participaron. Martínez tamén quixo destacar o traballo das colexiadas coruñesas Eugenia Gil Soriano e Beatriz Cuesta Arribas.
“Grazas á alcaldesa e á concelleira por este acto de recoñecemento ao colectivo arbitral no lugar onde case todos empezamos a arbitrar: os campos da Torre”, apuntou Rubén Eiriz, delegado de árbitros na Coruña.
