O Campionato de España individual absoluto feminino comeza este luns, 31 de maio, e o fará en sede galega: o Real Club de Golf da Coruña. O torneo celebrarase ata o xoves, 3 de xuño.
O club herculino alberga unha das citas máis importantes do calendario estatal, sendo este o mellor torneo amateur feminino da tempada. Á cidade galega desprazaranse as mellores golfistas ‘americanas’ e as xoves promesas dos últimos meses, para unha competición que promete ser espectacular.
O listado de participantes abrangue a 120 xogadoras que competirán por acadar a mellor clasificación, nunha proba puntuable para o Ránking Mundial e para os Ránkings Nacionais Absoluto e Girl, entre as principais golfistas españolas.
O torneo, co sobrenome de III Memorial Emma Villacieros, dispútase na modalidade stroke play durante catro xornadas, con corte ao final da terceira delas no posto 72.
Este Campionato de España absoluto é unha proba recoñecida no ambito estatal e cun palmarés con nome ilustres como o de Marta Figueras-Dotti, Macarena Campomanes, Azahara Muñoz ou Carlota Ciganda.
Como anfitrión, o Real Club de Golf de La Coruña mantén o seu compromiso e a tradición do deporte de primeiro nivel, como xa fixera hai 43 anos acollendo o Campionato de España Infantil, o primeiro torneo desta categoría da historia de Galicia.
Así marcha o Campionato de España absoluto de golf
Durante a primeira xornada as golfistas xa puideron tomar contacto co campo e realizar as primeiras probas. Polo de agora, a madrileña Cayetana Fernández lidera a táboa con un golpe baixo par, seguida por Constanza Guerrero e Blanca Fernández pechando o podio provisional.
A galega mellor clasificada polo de agora é Alba González, quen marcha na sexta posición.
Podes seguir o campionato en directo e consultar todos os resultados nesta ligazón.
