Dépor ABANCA e RCD Espanyol xogarán entre si o seu primeiro partido na Liga Reto no ano 2022. Son dous equipos que visten de branquiazul e dos conxuntos cunha aspiración clara: ascender á Liga Iberdrola. O partido terá lugar ás 12:00 horas de mañá, sábado 8 de xaneiro en terras catalás, en concreto na Cidade Deportiva Dani Jarque (Sant Adrià de Besòs).
Coruñesas e barcelonesas medirán forzas neste encontro correspondente á 13ª xornada no grupo norte da Liga Reto Iberdrola. O encontro poderase seguir a través das diferentes canles oficiais de Espanyol Media, segundo informa o RC Deportivo.
O último partido do ano foi un éxito rotundo para as galegas. O Dépor ABANCA vencía contundentemente ao FC Levante As Planas (3-0). Ese triunfo colocounas á fronte da clasificación. Pero diso hai case un mes. Ata que o xogo sobre o tepe dea conta do xogo das herculinas, será unha incógnita se o parón competitivo polo Nadal supuxo un freo ao bo xogo das coruñesas.
O seu adestrador, Miguel Llorente, confía nas branquiazuis e desta o gran traballo realizado. Así en rolda de prensa, explicaba sobre o parón e as vacacións: “non vou dicir que me dese medo tantos días, porque fomos ou somos conscientes e pensamos ben os días que iamos dar de vacacións. Elas son de fóra, e eu creo que tamén é interesante que se poidan xuntar coas súas familias e estar cos seus amigos e amigas. Pero este equipo dá gusto. Non hai un día que adestren mal, non hai un día que baixen o nivel ou o listón de adestramento, non hai unha xogadora que adestre ao 50%. Mentres sigamos funcionando así non hai nada que dicir, non hai ningún pero”.
Miguel Llorente, entrenador do Dépor ABANCA sobre o nivel das futbolistas á volta do parón polas vacacións de Nadal: “Este equipo dá gusto. Non hai un día que adestren mal, non hai un día que baixen o nivel ou o listón de adestramento, non hai unha xogadora que adestre ao 50%”
Para o adestrador do Dépor ABANCA “O RCD Espanyol é un equipo que estivo case toda vida en Primeira e merece todo o meu respecto”.
Confianza do técnico en acadar os 3 puntos contra o RCD Espanyol
Miguel Llorente tenno claro: “Podemos volver perdendo, pero a miña confianza no equipo é impertubable. Estamos no mellor momento da tempada e vai a ser difícil que nos quiten tres puntos, desde a humildade e consciente de que podemos perder”.
Sobre como se consigue iso, tampouco ten dúbidas o adestrador do conxunto coruñés: “Se podemos ter un 90% de posesión, non so por tela pelota nós se no por que non a teña o rival, mellor que mellor. Os nosos esforzos van enfocados a ter a pelota ben e sempre que podamos. Evitaremos que cheguen balóns a xogadoras rivais desequibilibrantes”.
Miguel Llorente: “Se estamos ben ímonos levar os tres puntos”
Con todo, sen perderlle o respecto ao rival, Miguel Llorente confía plenamente nas capacidades das súas xogadoras: “O RCD Espanyol é un equipo cunhas ideas diferentes ás nosas, nin mellores nin peores. Distintas. Coido que temos as claves para poder afrontar este partido da mellor maneira. Temos garantías abondo para poder llevarnos os tres puntos. É un equipo que chega da Liga Iberdrola, que ten xogadoras de calidade, grandes, fortes, fisicamente potentes… que lanzan, que procuran ás cosas. É o que adoitamos atoparnos na Reto Iberdrola. Se nós non estamos ben pódennos fastidiar, pero tamén creo que se estamos ben ímonos levar os tres puntos”.
Miguel Llorente en rolda de prensa / RCDMiguel Llorente pon a atención nos rivais da parte menos nobre da táboa e explica: “O Espanyol non me preocupa, por que sei que os consideramos importantes. Preocúpame Pradejón e Parquesol que podemos non velos importantes pola clasificación, e logo cheguemos aí e nos levemos unha sorpresa. Os golpes sobre a mesa hainos que dar todas as semanas e diría que todos os adestramentos. Temos que estar serias en todos os adestramentos e todos os partidos”.
Miguel Llorente desbota fichar no mercado de inverno, de momento: “Estamos contentos co que temos. Hemos mirado, si, pero de momento non movimos nada por que creemos ao cento por cento no que temos. Se houbese unha lesión de longa duración sería outra cousa”
Sobre a posibilidade de reforzar o equipo no mercado de inverno o técnico explicaba: “Creo que poderíamos refozar o equipo, pero non o temos claro. Estamos contentos co que temos. Hemos mirado, si, pero de momento non movimos nada por que creemos ao cento por cento no que temos. Se houbese unha lesión de longa duración sería outra cousa”.
O Dépor ABANCA non quere soltar o liderado
As galegas, líderes da categoría, non queren soltar o primeiro posto. E o conxunto españolista, cuarto con 25 puntos, quere ascender na táboa. Que mellor que facelo recurtando puntos ás líderes. Así que todo apunta a que o cruce será interesante e competido.
Na Cidade Deportiva Dani Jarque o RCD Espanyol impúxose a conxuntos como o CD Pradejón (1-0), Atlético de Madrid B (3-1), CD Parquesol (2-0) e FC Barcelona B (1-0), so perdeu co DUX Logroño (0-1) e FC Levante As Planas (2-4). Trátase, xustamente, dos dous equipos que as superan na tábao (xunto co Dépor ABANCA).
Para este partido Miguel Llorente non poderá contar con Cris, Alba Merino e Carlota Sánchez. Na convocatoria entran desde o filial deportivista as canteirás: Aroa Guerra e Tati.
O Deportivo ABANCA desprázase esta mesma tarde de venres á Cidade Condal, despois de completar un último adestramento na Cidade Deportiva de Abegondo. Estaba previsto que o equipo xantase xunto en Crendes, e saíse ás 18:55 horas en voo desde Santiago de Compostela con destino ao Aeroporto de Barcelona.
A hora aproximada de chegada a terras catalanas son as 20:35 horas, momento no que se traslarán ao hotel Exe Barberá Parc en Barberà do Vallès (Barcelona). Despois de xogar o partido co RCD Espanyol ás 12:00 horas na Cidade Deportiva Dani Jarque (Sant Adrià de Besòs) as deportivistas volverán esa mesma xornada a Galicia nu voo con saída ás 20:10 horas do Aeroporto da Barcelona con destino ao Aeroporto de Alvedra na Coruña contra ás 21:55 horas.
O Dépor ABANCA ten fixado un adestramento na Cidade Deportiva de Abegondo o domingo 9 de xaneiro ás 11:30 horas.
