O equipo feminino do RC Náutico da Coruña acode á segunda fase clasificatoria da liga Autonómica da Muller, que organiza a Federación Galega de Vela no seu centro de tecnificación de Vilagarcía.
As distintas mangas disputaranse este sábado e de momento o equipo coruñés ocupa a terceira praza provisional, con 7 puntos, por detrás do Náutico de Sanxenxo (4 puntos) e do Náutico de Vigo (6 puntos).
O equipo do RC Naútico coruñés estará composto por Marta Torres, de patroa, e de Abril Alegría, Paloma Martínez de la Riva e Claudia Díaz. Na primeira xornada o equipo coruñés logrou dous segundos postos, un terceiro e un cuarto.
As seguintes fases clasificatorias desta Liga Feminina serán os días 7 e 21 de maio, mentres a fase final celebrarase os días 9, 10 e 11 de novembro.
Esta competición dispútase co barco Elliot 6 M, que achega o Centro de Tecnificación Deportiva, que foi deseñado polo neozelandés Greg Elliot no ano 2000 e que foi clase olímpica ata os Xogos de Londres en 2012, onde dúas galegas lograron o ouro, Támara Echegoyen e Sofía Toro.
