O conxunto coruñés do RC Deportivo emitiu un comunicado no que amosa o seu desacordo coa ACFF pola medida de interpor unha querala contra o presidente da RFEF, Luis Rubiales. A Federación decía hai uns días coñecer a existencia do auto do xuíz ordinario a través dos medios e descoñecer o contido nese momento.
No que respecta ao conxunto branquiazul este sinala nese documento feito público que “como membro de pleno dereito da Asociación de Clubs de Fútbol Femenino (ACFF), quere mostrar o seu total desacordo ante a medida tomada pola Comisión Delegada da entidade de interpor unha querela contra o presidente da Real Federación Española de Fútbol (RFEF) e outros membros do ente federativo, por unha presunta comisión dos delitos continuados de coaccións, ameazas e prevaricación administrativa”.
Comunicado del Real Club Deportivo https://t.co/LxwMnY09R7 pic.twitter.com/qGXA0mQrjT
— RC Deportivo (@RCDeportivo) February 19, 2021
O RC Deportivo considera que unha decisión de tal alcance “debía ser debidamente adoptada polo máximo órgano plenario da ACFF para poder ser valorada por todos os integrantes da mesma e coñecida antes da súa interposición. Se isto sucedese, moi probablemente o voto do RC Deportivo fose contrario á medida adoptada, ante a que agora só lle queda facer pública esta reprobación”.
O RC Deportivo sostén que unha decisión dese alcalce: “Debera ser adoptada polo máximo órgano plenario da ACFF para poder ser valorada por todos os integrantes da mesma e coñecida antes da súa interposición. Se isto sucedese, moi probablemente o voto do RC Deportivo fose contrario á medida adoptada”.
A entidade coruñesa explica tamén nese comunicado que cre que o fútbol feminino en España “ten un gran potencial e avoga polo diálogo, a xenerosidade, a coordinación e a amplitude de miras de todos os estamentos involucrados (clubs, Asociación, Federación, deportistas, Administración, etc.) para aproveitar as oportunidades que se presentan”.
A RFEF apunta que os dereitos audiovisuais xa se tentaron xudicializar
No caso da Real Federación Española de Fútbol apuntaba que coñecía a existencia do auto a través dos medios e que descoñecía o contido pero explicaba que se trataría dun “procedemento iniciado pola Asociación de Clubes de Fútbol Femenino (ACFF) vinculada á LNFP, en relación, ao parecer, cos dereitos audiovisuais da competición feminina, asunto que xa teñen levado aos xulgados do mercantil en varias ocasións sen éxito”, sostén a RFEF.
Outra cuestión que apunta a RFEF é lembrar “asociación demandou á RFEF por este asunto ante os Xulgados do Mercantil. Como consecuencia desa demanda existen xa dous autos do xuíz do Mercantil número 1 de Madrid, de 30 de xullo e 3 de outubro de 2019, que desestimaron a petición da Asociación e avalaron a actuación da RFEF e que, é posible, que llos ocultaron ao Xulgado número 8 de Majadahonda, quen coñece da querela”.
Tamén apunta a RFEF: “Non está de máis lembrar que a ACFF ten a súa sede na LNFP ; que o seu responsable é empregado da liga e que nos últimos anos alagou os xulgados de procedementos contra a Real Federación na mesma liña que a LNFP, que interpuxo decenas de causas contra a institución que dirixe o fútbol en España”.
A RFEF lembra as vinculacións entre ACFF e LNFP: “Non está de máis lembrar que a ACFF ten a súa sede na LNFP ; que o seu responsable é empregado da liga e que nos últimos anos alagou os xulgados de procedementos contra a RFEF na mesma liña que a LNFP, que interpuxo decenas de causas contra a institución que dirixe o fútbol en España”
Como colofón á sú anota, a Real Federación Española de Fútbol asegura confiar “na Xustiza e, por tanto, está segura de que esta querela terá tamén o mesmo destino que os anteriores procedementos”.
Ao parecer, Luis Rubiales, presidente de la Federación Española de Fútbol, debido a esta querela presentada pola AFCC, tería que acudir a declarar o vindeiro 29 de abril en calidade de investigado por presuntos delitos de coaccións, ameazas, e prevaricación administrativa.
