As galegas saltaron ao verde da Cidade deportiva do Rayo Vallecano con ganas de refrendar a gran xesta acadada o pasado martes en Riazor na Copa da Raíña. Manu Sánchez fixo rotacións e deu un descanso máis que merecido a Iris e Athenea, dous pezas clave no once do galego. Tere volveu a portar o brazalete de capitá ante a obrigada ausencia de Alba Merino por por acumulación de tarxetas. O Rayo sacou petróleo de Vallecas e a pesar de ceder o peso de partido ao Dépor, dous goles de Altuve condenaron ás galegas.
As herculinas sairon con moitas ganas de dominar e levar o peso do xogo, como é habitual. A colombiana Arbeláez fixo de Iris como pivote e Maya, fixo as labores de Alba Merino na medular. Michelle Romero sería a acompañante de Peke na lanza de ataque. Manu rompía a parella letal, Peke-Athenea.
Durante os primeiros intres, o conxunto deportivista tentou buscar os espazos ás costas das laterias do Rayo, que ao xogar con defensa de 5 con dúas carrileiras, deixaba ocos nesa zona do campo. Nuria volveu a ser un puñal polo carril esquerdo e o conxunto branquizul volcou case todos os seus ataques por ese perfil. Cris, nesta ocasión, estivo durante os primeiros minutos máis pendente de facer coberturas defensivas.
O detalle de todos os findes
Pode levar o brazalete ou non, pode xogar con botas verdes o amarelas o caso e que Tere Abelleira sempre deixa un detalle de moita calidade en todos os seus encontros. Marcaba o minuto 15 o luminoso de Vallecas cando a pontevedresa deixou un cano marca da casa. Outra mostra de que esta xogadora é de outra pasta. A 3 ten moita maxia nas súas botas.
A parte destes detalles, Tere é moito máis. No minuto 36 de encontro, roba un balón en medio campo, conduce e filtra un gran pase para deixar a Michelle Romero diante de Larqué. A venezolana non fallou e puxo por diante ás galegas. Sexta asistencia no que vai de tempada para Teresa Abelleira.
Pouco durou a alegría ás galegas e tan só dous minutos despois, o Rayo empataba o encontro por medio de Oriana Altuve. Camila Sáez fixo un gran pase con rosca desde a banda esquerda do ataque rayista e a venezolana Altuve cazou o pase que a deixaba soa ante Misa. A dianteira non perdonou e puxo o empate en Vallecas. Volta a empezar. Tras o gol, as da franxa apretaron moito en busca do segundo gol antes do descanso, pero o partido iríase ao tempo de lecer con táboas no luminoso.
Tras o paso por vestiarios, ambos conxuntos seguiros coa mesa idea, o Dépor manter o control do xogo e buscar os espazos ás costas das laterais, e o Rayo Vallecano, recuperar para montar as contras e aproveitar a velocidade das súas dianteiras.
Seguro baixo paus
Misa volvía á portería e foi un muro e un seguro baixo paus. No minuto 58 tería unha gran intervención a un disparo a bocaxarro de Sheila no área pequena. Outra mostra da calidade que ten Manu baixo paus. Sullastres e Misa, Misa e Sullastres. Xogue quen xogue sempre dan mostra de seguridade e deixan un catálogo de grandes paradas.
No minuto 62, Manu movía o banco e poñía sobre o verde á parella letal Peke e Athenea. Entraba no campo a cántabra en sustitución da goleadora Michelle Romero. A dupla que fixo trizas a defensa che o pasado martes na Copa, buscaría o gol para levar os tres puntos cara a cidade herculina.
Dobrete de Altuve e remontada rayista
O cambio non tivo o efecto desexado polo técnico galego e ao minuto de que Athenea saltase ao verde, anotaría o 2-1 o Rayo. Un mal despexe de María Méndez, deixaría o balón na área para que Oriana Altuve fixera o segundo na súa conta particular e o segundo do seu equipo.
Tras o 2-1, Manu daba entrada a Kika en sustitución da súa compatriota Gaby para buscar esa frescura no último pase de cara as dianteiras deportivistas. Peke non desesperou e quixo facer o que mellor sabe, meter goles. No 75′ e tras un gran caneo provocou unha falta escorada ao perfil dereito do ataque galego. Nuria golpeou con gran calidade a falta e estampou o coiro na escuadra dereita de Larqué. Un minuto despois, Peke tería outra vez o gol nas súas botas pero a gardamallas rayista respondería moi ben.
O marcador non se movería do 2-1 a pesar dos intentos do conxunto deportivista ata o final do partido. Con esta vitora, o Rayo Vallecano devólvelle as galegas a derrota sufrida en Abegondo na primeira volta, e pon fin a un refacho de catro derrotas seguidas entre a Liga e a Copa da Raíña. Por contra, o Dépor segue a aumentar esa mala dinámica na competición doméstica e suma tres derrotas seguidas, Tenerife, Athletic e Rayo.
FICHA TÉCNICA
RAYO VALLECANO: 13 P. Larqué, 3 Guerrero, 4 Pilar García, 5 Andújar, 10 Sheila (80′), 11 Oviedo, 12 Chule, 14 Auñón, 15 Altuve (75′), 18 Sáez, 28 P. Fernández (90′).
Suplentes: 8 Saray, 9 Ángeles (90′), 22 Bulatovic (75′), 24 L. de Guereñu (80′), 25 Natalia, 32 Mónica e 34 Adriana.
DÉPOR ABANCA: 13 Misa, 22 Cris, 14 María Méndez, 20 Noelia Villegas, 11 Nuria Rábano, 3 Tere Abelleira (c), 17 Maya, 12 Arbeláez (82′), 19 Gaby (67′), 6 Michelle Romero (62′) e 18 Peke.
Suplentes: Sullastres, Iris, Bedoya, Athenea (62′), Kika (67′), Patri López y Carlota (82′).
GOLES: 0-1 36′ Michelle Romero, 1-1 38′ Altuve e 2-1 63′ Altuve.
ÁRBITROS: Verónica González Sánchez
INCIDENCIAS: Partido correspondente á xornada 20 da Liga Iberdrola no que enfrontou ao Rayo Vallecano e o Dépor ABANCA na Cidade Deportiva do Rayo Vallecano.
