- O técnico madrileño Raúl Castro, ‘Piru’, será o novo adestrador do Viaxes Amarelle FSF a próxima tempada na que o club coruñés militará un ano máis na Primeira División.
O banco do equipo de Primera División Nacional Femenina de Fútbol sala do Viaxes Amarelle FSF xa ten dono para a tempada 2023/2024. A persoa elixida para dirixir ao corpo técnico da escuadra laranxa o curso próximo é Raúl Castro, coñecido deportivamente como Piru. O técnico madrileño acumula gran experiencia no fútbol sala feminino, e os últimos 10 anos viviunos en diferentes equipos do AD Alcorcón FSF.
O técnico de madrileño substitúe á fronte do banco do Viaxes Amarelle FSF ao galego Jorge Basanta. Piru colleu ao primeiro equipo do AD Alcorcón FSF no tramo final da tempada 2018/2019, despois de que na tempada 2017/2018 proclamouse campión de Segunda División co filial alcorconero, e permaneceu no banco amarelo ata o pasado mes de decembro, que o técnico decidiu abandonar momentaneamente os bancos de futsal.
Raúl Castro, un técnico que aposta pola canteira
Segundo explican desde o club coruñés “trátase dun técnico que, aposta firmemente pola canteira do club, e espreme ás súas xogadoras para optimizar resultados. E con esa filosofía no seu periplo co AD Alcorcón FSF, conseguiu finalizar subcampión de liga na tempada 2019/2020, tras perder na final co Burela Pescados Rubén FS, ademais de conseguir meter sempre aos seus equipos nas fases finais da Copa de SM A Raíña de Fútbol sala”.
O técnico madrileño afronta este novo reto de dirixir a un equipo lonxe da súa casa e tratará de dar continuidade a un equipo que mantén as bases do ano anterior. As coruñesas avanzan que haberá xogadoras que suporán reforzos “en varias posicións de fronte a nova tempada, e que serán anunciadas nas próximas semanas”.
O inicio da pretemporada do equipo, está previsto para o vindeiro luns 14 de agosto de 2023, algo máis dun mes antes do comezo da tempada regular de Primera División Nacional de Fútbol sala Femenino. Nese arranque de tempada as herculinas visitarán a un dos recentemente ascendidos, o AE Lles Corts UBAE.
