O Equipo Nacional de Remo Adaptado ultima a preparación para o Preolímpico de Gavirate (Italia), e a galega Raquel Comesaña forma parte do conxunto estatal. A deportista do Club de Remo Miño estará concentrada co grupo español desde este venres, 14 de maio, na localidade catalá de Banyoles.
Deste grupo sairá a tripulación de 4+ PR3 que competirá pola clasificación paralímpica de Toquio 2021, na que será a última oportunidad mundial. A concentración da que forma parte Comesaña durará ata o 31 de maio, data na que o equipo viaxará a Italia para levar a cabo as clasificacións deportivas previas á competición.
