Nacida en Ourense, Raquel Carrera, xogadora de baloncesto, milita no RPK Araski da Liga Endesa. Foi fichada polo plantel vasco o verán pasado. Anteriormente desestimou as ofertas de Estados Unidos e decidiu marchar para o Valencia Basket. Pero non sempre estivo fóra da terriña. Xogou no Celta Zorka Recalvi desde o 2013 ata o 2017, na Liga Feminina 2, baixo as órdenes de Cristina Cantero.
Ademais militou nas categorias inferiores da Selección Española. Debutou no Mundial U17 con tan só 14 anos. Disputou catro eventos FIBA:
- Europeo U16 en 2016 onde acadou a medalla de ouro e o quinto posto no 2017.
- Europeo U18 en 2018 sendo prata.
- En en outras dúas ocasións no Mundial U17, onde foi sexta.
Co motivo da cita do Durán Maquinaria Ensino (31 de xaneiro, ás 19.30 horas) na xornada 19 da competición, o equipo de As Nosas puxémonos en contacto coa galega da Cidade das Burgas facendo un repaso a súa traxectoría e tamén polo partido ao que se enfrontará ao equipo lucense.
– As Nosas: En Galicia, estiveches xogando no Celta Zorka Recalvi baixo as órdenes de Crisitna Cantero. Que recordos tes desa experiencia?
Raquel Carrera: Estive durante catro anos no equipo vigués. Aprendí moítisimo tanto de Cris como do resto de adestradores e sobre todo das miñas compañeiras. Todo o que me levo de Vigo son recordos moi bonitos e moita experiencia.
– As Nosas: Como ves as celestes na Liga Feminina 2?
Raquel Carrera: As estou vendo moi ben. Traballadoras coma sempre. Eu mesma sei que seguen traballando nesta liá seguramente que optarán por outra fase de ascenso. E claro, espero que está, sí sexa a definitiva.
– As Nosas: Recibiches ofertas de Estados Unidos pero preferiches marchar a Valencia, por que non diches o salto ao outro lado do charco?
Raquel Carrera: Bueno, preferín seguir formándome como xogadora aquí en España. A liga na que estou actualmente, a Liga Endesa, ten moitísimo nivel. E Valencia, ofreceume a oportunidade de poder hacelo. Ademais compaxinaba o deporte cos estudos.
Raquel Carrera: Preferín seguir formándome como xogadora aquí en España. A Liga Endesa, ten moitísimo nivel. E Valencia, ofreceume a oportunidade de poder hacelo. Ademais compaxinaba o deporte cos estudos
– As Nosas: Desde moi pequena, ligada ao baloncesto, quen é a túa referente neste mundo?
Raquel Carrera: Non me podería quedar só cunha. Teño moitas referentes. Eu creo que todas as xogadoras da Selección Española Absoluta son un espectacular exemplo a seguir. Coma tamén as lendas retiradas como Amaya Valdemoro e Anna Montañana.
– As Nosas: Supoño que como calquera galega terás morriña da túa terra. Verémosche xogando nalgún equipo galego nun futuro próximo?
Raquel Carrera: Quen sabe (ríe). Non lle pecho as portas a nada no meu futuro.
– As Nosas: Estiveches nas categorías inferiores da Selección Española. Sería o teu soño se recibir a chamada da absoluta?
Raquel Carrera: Eu creo que ese soño é o de calquera xogadora de baloncesto. Poder chegar a estar na selección absoluta e ogallá chegue ese día. Pero bueno, pouco a pouco.
Raquel Carrera: A chamada da Selección é o soño de calquera xogadora
Raquel Carrera: “O Ensino ten un gran equipo polo que vai a ser un partido moi complicado e competido”
– As Nosas: Na Copa da Raíña, no primeiro partido enfrontádevos a Gernika, cal é a vosa meta na competición?
Raquel Carrera: O primeiro obxectivo é por suposto gañar a Gernika e poder optar as semifinais da Copa da Raíña.
– As Nosas: Agora mesmo sodes quintas na clasificación da Liga Endesa. Cales son os teus obxectivos co RPK Araski?
Raquel Carrera: Estamos a facer unha gran tempada como equipo. Cada vez sentímonos máis cómodas xogando xuntas. Creo que se seguimos así podemos dar algunha que outra sorpresa. Os nosos obxectivos son competir todos os partido como o estamos facendo ata agora.
– As Nosas: O Ensino ven de gañarlle ao Spar Citylift Girona e a IDK Gipúzkoa. Están facendo unha gran segunda volta. Que expectativas tes de cara ó encontro do venres?
Raquel Carrera: Agora mesmo, os dous equipos vimos dunha boa racha de partidos (O RDK Araski leva dúas e o Durán Maquinaria Ensino, tres). Sabemos que teñen un gran equipo e que vai a ser un partido moi complicado e moi competido.
