O Valencia Basket está xa máis preto de acadar o título tras vencer na ida da final da LF Endesa ao Perfumerías Avenida. Neste partido, a pívot ourensá Raquel Carrera foi clave no trunfo taronja, cos tres puntos finais que decantaron a balanza e sendo a MVP do duelo.
O encontro celebrado en La Fonteta foi igualado de principio a fin. Na primeira metade o dominio pasou das mans valencianas ás salamantinas, para volver de novo ás visitantes. O Valencia de Carrera mantíñase por diante pola mínima, chegando ao descanso cun 26-31.
Na segunda parte, o Perfumerías Avenida deulle a volta ao marcador, colocándose por primeira vez por diante, deixando o partido aberto para o último cuarto. No momento máis relevante do partido, a galega apareceu para salvar ao seu equipo. Xunto con Cristina Ouviña, Carrera participou nun parcial 2-8 que enchufaba ás taronjas. Desde o tiro libre, a ourensá volveu a colocar ás súas por diante, pero as locais empataron cun 56-56 que forzaba a prórroga.
Carrera, peza clave do Valencia nas finais
Tamén neste tempo extra o duelo estivo moi disputado. A falta dun minuto e medio para a bocina final, o encontro seguía en táboas. De novo, Raquel Carrera apareceu para decantar o partido.
Como xa fixo na final da Euro Cup, a galega (que rematou con 19 puntos e sete rebotes) erixiuse como indispensable na vitoria laranxa.
A galega Raquel Carrera, clave na vitoria do Valencia como campión da Euro Cup
Cun roubo e un 2+1 a falta de 20 segundos, o primeiro partido da final polo título decantouse polo Valencia Basket, a piques de sumar o seu primeiro campionato ligueiro da historia.
📹 Final #LFEndesa: Una noche que @raquelcarrera_ jamás olvidará‼️
🙌 Pase de fantasía de @cristi106 para un 2+1 ganador (otro más) en el estreno de la gran final
📊 24 val: 19p – 7rb – 1as – 1tap
📺 Revive el partido en @teledeporte ⬇https://t.co/RYCKTHskMB pic.twitter.com/m89EW8zPTO
— CompeticionesFEB (@CompeticionFEB) April 30, 2021
