Raquel Carrera súmase a María Araujo ao recibir a chamada de Lucas Mondelo coa Absoluta de básket

As xogadoras galegas María Araujo, do Spar City Lift Uni Girona, e Raquel Carrera, Valencia Basket Club, recibiron a chamada do seleccionador español de baloncesto, Lucas Modelo. Ambas as dúas deportistas xogan como pívot. Carrera únese así a Araujo na absoluta.

O adestrador ten elexido a 19 deportistas para preparar dúas citas importantes que o conxunto nacional terá o vindeiro verán. Trátase do EuroBasket e os Xogos Olímpicos de Tokio.

Segundo apuntan desde a Federación Española de Baloncesto (FEB) o grupo “conxuga veteranía e mocidade e conta con debutantes”.

A concentración para a que recibiron a chamada as dúas galegas terá lugar en Valencia do 9 ao 13 de novembro. España xogará un amistoso entre as deportistas convocadas o xoves 12 ás 20:20 horas que poderá seguirse por Teledeporte.

Así comunicaba Lucas Mondelo a lista de convocadas con España.

Lista das 19 xogadoras convocadas:

🚨 OFICIAL | Estas son las 1️⃣9️⃣ jugadoras de la #SelFEM 🇪🇸 CONVOCADAS para noviembre.

📝 MÁS INFO ⬇https://t.co/q7q2Z0NFTK

Presentado por @basketlover | #SomosEquipo pic.twitter.com/EETm4owV7P

— Baloncesto España (@BaloncestoESP) October 26, 2020