O presidente da Real Federación Galega de Fútbol, Rafael Louzán, mandou unha mensaxe de unión ante a situación que se está a vivir pola crise do coronavirus Covid-19. Reflexionou en que ás veces “non valoramos suficiente o que temos e agora resulta que éramos felices e non o sabíamos”.
Rafael Louzán, presidente da RFGF: “Ás veces non valoramos suficientemente o que temos e agora resulta que eramos felices e non o sabíamos”.
“É momento de estar xuntos, porque xuntos gañaremos este partido”. O que máis preocupa actualmente, tanto aos clubs como aos organismos futbolísticos, é gañar a batalla contra o COVID-19 e saír desto canto antes. Para todos o fútbol é secundario.
Rafael Louzán, presidente da RFGF: “É momento de estar xuntos, porque xuntos gañaremos este partido”.
A RFGF e o seu presidente Rafael Louzán se sumaron a onda de agradecementos e pediron o máximo recoñecementos “para todos aqueles e aquelas que están na primeira liña”, salienta o presidente. “Desde a RFGF, como xa sabedes, seguimos traballando, malia que o máis importante agora mesmo é a saúde”.
Rafael Louzán, presidente da RFGF: “Desde a RFGF, como xa sabedes, seguimos traballando, malia que o máis importante agora mesmo é a saúde”.
A xogadora e capitá do Dépor Abanca, Miriam Ríos, a través da conta de Twitter da federación tamén mandou unha mensaxe dicindo que “xuntos gañaremos este partido”.
🎥 ÚNETE ao equipo do FÚTBOL GALEGO
Desde A Coruña…
@miriamdepor7 tamén #QuedaNaCasa pic.twitter.com/qWXMzILsVf
— Real Federación Galega de Fútbol (@futgal) March 18, 2020
As árbitras desta disciplina deportiva tampouco teñen descanso e adestran desde os seus fogares. Así é un día de traballo e preparación física na corentena de Elena Casal.
🏋️ Para as árbitras galegas non hai descanso
Así é a corentena de Elena Casal Fernández, unha das nosas pic.twitter.com/nYlGKzmzqB
— Real Federación Galega de Fútbol (@futgal) March 19, 2020
Galicia queda na casa, como ordenou o decreto do estado de alarma, para continuar loitando contra a epidemia e non saturar o sistema sanitario. O inusual e respectuoso silencio que reina nas rúas de toda a nosa comunidade volverá interromperse cada día ás 20 horas por unha onda de aplausos que serve para trasladar o apoio e agarimo dos cidadáns a quen máis incansablemente libran a batalla.
Cada día son moitos os que saen a diario ás súas terrazas e balcóns, cumprindo coa corentena, para dar un sonoro aplauso aos profesionais sanitarios, que moitos xa fixeron extensible a todos os que estes días traballan en supermercados, farmacias, transporte ou forzas e corpos de seguridade do Estado. Son colectivos que se están vendo desbordados pola crise sanitaria que a epidemia de coronavirus está a causar no noso país.
Desde A Coruña a Ribadeo, pasando por Bertamiráns, O Porriño ou Ferrol. Galicia mostra cada día un emocionante recoñecemento cara a aqueles que estes días non poden quedar na casa. Tamén para aqueles que a diario teñen que acudir aos seus postos de traballo porque o teletraballo non é posible.
