O Concello de Quiroga iniciou a reforma do campo de fútbol de San Martiño, nunha obra na que a Secretaría Xeral para o Deporte cofinancia o proxecto.
O convenio asinado entre ambas administracións conta cun orzamento de 50.000 euros, dos cales a Xunta de Galicia aporta o 80% (38.715,20 euros) e o Concello o restante 20% (9.678,80 euros).
O secretario xeral para o Deporte, José Ramón Lete Lasa, e o alcalde de Quiroga onde, Julio Álvarez, supervisaron a reforma que se está a levar a cabo no campo de fútbol.
As obras no campo de fútbol de San Martiño
O estado no que se atopa o campo de fútbol, debido a parada na actividade do ano 2020, é deficiente; polo que cómpre realizar actuacións en todas as partes para ter un campo de fútbol en óptimas condicións (sistema de rega, sistema de drenaxe, sistema rootzone e mantemento).
Máis polo miúdo, a obra ocupouse da substitución do sistema de rego actual, dotándose dun sistema moderno e automatizado, así como da sementeira do terreo de xogo do campo grande de herba natural que incluíu tratamento de herbicida, preparación do terreo, sementeira, abonado e pintado de liñas.
O campo de fútbol do San Martiño de Quiroga é unha instalación municipal cuxa construción levouse a cabo nos anos oitenta. A finais dos anos noventa realizouse un arranxo no céspede do campo grande de herba natural e no ano 2003 instalouse o sistema de rega soterrado. En canto as construcións no ano 2005 levouse a cabo as obras para a creación dos novos vestiarios e de pequeno almacén de material preto das gradas dos afeccionados.
Nos últimos anos celebráronse as competecións federadas dos equipos de fútbol das sección xuvenís e promesas. En anos anteriores, o Quiroga FC promesa chegou a estar en categoría de preferente. Na actualidade o equipo está na categoría de segunda rexional galega.
En total, dos 32.474.216 euros cos que contou a Secretaría Xeral para o Deporte en 2021 (un 28,5% máis que en 2020), 9,15 millóns foron destinados a obras de creación e reforma de infraestrutura deportiva, un 118% máis que en 2020 cando se destinou ao mesmo obxecto 4,2 millóns de euros.
