A paratriatleta galega Susana Rodríguez Gacio continúa facendo historia no deporte. A deportista vén de asinar o seu quinto título Mundial da modalidade en categoría PTVI. Nas probas, a triatleta viguesa estivo acompañada da deportista de apoio Sara Loehr. Non foi unha competición doada. A deportista de Vigo tivo un contratempo o día previo e non as tiña todas consigo. Tampouco dominou en todas as disciplinas, pero no cómputo global foi a mellor unha vez máis. E colgou o ouro do pescozo.
A campioa nos Xogos Paraolímpicos de Toquio continúa sumando títulos. Conta con campionatos estatais, continentais, mundiais e paralímpicos. Neste ano 2022 xa pode dicir que é pentacampioa do mundo. Aí é nada!
Apenas 32 segundos foron abondo para que a parella de triatletas que conforman Susana Rodríguez Gacio e Sara Loehr cruzase a meta antes que as súas inmediatas perseguidoras, o dúo liderado pola deportista italiana Francesca Tarantello. Alison Peasgood, triatleta de Gran Bretaña, foi a terceira en cruzar a liña de meta en Abu Dabi neste Campionato do Mundo de Triatlón dentro da categoría PTVI.
| Resultados: PTVI Women | |||
|---|---|---|---|
| 1. | Susana Rodriguez B1 | ESP | 01:08:11 |
| 2. | Francesca Tarantello B3 | ITA | 01:08:43 |
| 3. | Alison Peasgood B2 | GBR | 01:10:59 |
| 4. | Annouck Curzillat B1 | FRA | 01:12:00 |
| 5. | Chloe Maccombe B3 | IRL | 01:14:01 |
Co dorsal 606 na súa pel, Susana Rodríguez Gacio foi avanzando na competición. Superou cun tempo de 00:13:14 os 750 m a nado. Nesta modalidade a máis rápida foi a italiana Francesca Tarantello cun crono de 00:11:07. Tamén Alison Peasgood foi máis rápida ca galega na auga cun tempo de 00:11:58.
Sobre a bicicleta, o reto eran 20km. Susana Rodríguez Gacio invertiu en superalos. Aí xa foi máis rápida que Francesca Tarantello (00:32:31) e que Alison Peasgood (00:32:59).
O último chanzo neste Mundial de paratriatlon foi a carreira a pé. A máis rápida foi Francesca Tarantello (00:19:53), seguida de Alison Peasgood (00:20:27). A deportista viguesa Susana Rodríguez Gacio completou o tramo nun tempo de 00:20:28. Pero no global da carreira a galega foi a mellor e cruzou a meta en primeiro lugar. Susana Rodríguez Gacio foi 32 segundos máis rápida no cómputo global que a italiana Francesca Tarantello, o suficiente para que a española colgase o ouro do pescozo e a transalpina a prata.
Susana Rodríguez Gacio: “Tivemos un pequeno accidente o día previo e non tiña moita confianza”
Segundo recolle a web oficial do Campionato do Mundo, Susana Rodríguez declaraba ao final da proba estar “moi contenta coa nosa carreira, especialmente considerando como foron os últimos meses para min”. Explicaba a triatleta galega que tiveron “un pequeno accidente” o día previo “na familiarización” o que deu lugar a que o día da proba “estivese un pouco asustada por non tiña moita confianza, pero estou extremadamente feliz”.
Susana Rodríguez destacaba a aportación da deportista de apoio Sara Loehr na consecución deste novo título mundial da galega: “Gocei moito a carreira, foi moi técnica e rápida, e coa calor tiven problemas nalgúns puntos, pero grazas ao á miña guía, Sara Loehr, empuxamos todo o camiño. Ela non só é a miña guía, senón tamén a miña adestradora mental”
Tal e como sinalaba a deportista galega tras conquerir o seu quinto Mundial: “Gocei moito a carreira, foi moi técnica e rápida, e coa calor tiven problemas nalgúns puntos, pero grazas ao á miña guía, Sara Loehr, empuxamos todo o camiño. Ela non só é a miña guía, senón tamén a miña adestradora mental”, salientaba Susana Rodríguez Gacio en Abu Dabi poñendo en valor o traballo da deportista de apoio (guía) xunto á que compite.
Ver esta publicación en Instagram
