Chegou a hora da verdade. A do retorno á elite para o Hockey Club Deportivo Liceo. O equipo verdibranco inicia a tempada na Ok Liga Feminina 2021-22 xogando como local. Faino nun recinto que, para a entidade liceísta, é un templo: o Pazo dos Deportes de Riazor. O escenario de grandes xestas do equipo masculino quere tamén acoller a gloria que o feminino outorgue á entidade coruñesa.
¡ENTRADAS DISPOÑIBLES para o regreso á OK Liga!
➡️ Público xeral (5€): https://t.co/RqfIna71Y5
➡️ Abonados do @RCDeportivo (0€): https://t.co/7ZNnJ55vJD
➡️ Soci@s acceden gratis.
¡Agardámosvos o sábado ás 20:00h en Riazor!
🔗 Toda a información: https://t.co/s7H7jnsByG pic.twitter.com/CKNQVc0yKR
— Hockey Club Liceo Feminino (@HCLiceoFem) November 3, 2021
Nesta primeira xornada o equipo herculino recibe ao Bigues I Riells. Será hoxe sábado 6 de novembro ás 20:00 horas. Desde o club coruñés informouse de como poden facerse coas entradas as persoas que desexen acudir ao espectáculo deportivo. A casuística, que explicamos en As Nosas, recolle diferentes opcións: persoas socias do HC Liceo, público xeral e persoas aboadas ao RC Deportivo.
No corpo técnico, confían en que, dalgún xeito, a cancha tamén xogue. O entrenador liceísta, Loureiro, apuntaba: “Riazor é unha pista que se vai facer moi compricada para calquera rival. Creo que imos aproveitar moitisimo ese factor pista”.
Carlos Loureiro, adestrador do HC Deportivo Liceo, conta cun plantel tan amplo que para esta primeira xornada deberá deixar xogadoras fóra da convocatoria. So iso xa fala do potencial do grupo, e da aposta que fai a entidade por que o equipo feminino liceísta tamén conquiste a gloria para o club verdibranco.
No bloque que integra o equipo liceísta este curso hai varias internacionais. Entre delas está la coruñesa María Sanjurjo, campioa do Mundo con España.
O técnico galego espera que a chegada de internacionais como María, Adriana Soto, Bea Gaete ou Viki Caretta aporten no so experiencia (teñen xogado competicións de peso como europeos, mundiais ou panamericanos), se non que tamén permitirán ao bloque ter recursos durante un partido para poder “axustar situacións” que poidan producirse. Lourelro agarda que as súas diferencias técnicas o farán posible. É dicir, farón do HC Deportivo Liceo un bloque versátil capaz de se adaptar ás visicitudes do xogo.
En Mari Sanjurjo a canteira terá, ademais, o mellor dos referentes. Calquera rapaza galega pode chegar ao máis alto no hoquei sobre patíns. Ela fíxoo desde A Coruña, primeiro no Dominicos e logo no HC Liceo. Agora volve para seguir loitando por grandes logros na súa cidade.
Na súa anterior etapa como verdibranco o xogo de ‘As Meris’ (María Sanjurjo e María Castelo) atraía público ás gradas pola súa calidade. Con so quince anos xa se gañaran un nome entre a selecta afición ao hoquei a patíns coruñesa.
Nunha entrevista concedida a As Nosas, Carlos Loureiro apuntaba que ás súas xogadoras pídelles “moitísima intensidade, pelexar cada bóla como se fose a última e que desfruten da experiencia”, pero tamén que gocen e desfruten da experiencia de xogar na elite española.
O arranque do HC Deportivo Liceo é complicado e pode marcar a súa traxectoria no curso. Nas primeiras cinco xornadas mídese a varios dos cocos da categoría. O primeiro, o Bigues I Riells ás 20:00 de hoxe sábado 6. É, sobre o papel, o menos complicado dos cinco. O póker de rivais de peso deste arranque serán Martinelia CP Manlleu, Telecable HC, Cerdanyola CH Feníe Energía e Generali HC Palau de Plegamans. Con eles medirase nesa mesma orde.
O club, único representante galego na máxima categoría do hoquei a patíns feminino, leva tempo preparándose. En agosto iniciu a súa pretempada con partidos disputados en Portugal. Logo dun parón dun par de semanas, a mediados de setembro voltaron á cancha e ao traballo. Esta semana aínda chegaban algúnhas das últimas incorporacións. Pero xa está todo listo para que a bóla empece a rodar no Pazo dos Deportes de Riazor e o público cante “Allez Liceo, allez!”
Esta fin de semana están convocadas as seguintes dez xogadoras: Katy Guscin (porteira), Viky Caretta (porteira), Adriana Soto, Bea Gaete, María Sanjurjo, Alba Garrote, Naiara Vaamonde, Luchy Paz, Alejandra Martin e Lucía Yáñez.
Así ven a OK Liga 2021-22
A competición empeza esta fin de semana non so para o HC Deportivo Liceo se non tamén para o resto dos equipos. Salvo un partido que terá lugar mañá, domingo 7, o resto xógase hoxe sábado. O Palau de Plegamans parte como un dos principais favoritos para facerse co entorchado este curso. Son as actuais campioas da OK Liga. Media ducia de internacionais de España están no equipo. Son as grandes proveedoras de patinadoras para a Selección Española, actual campioa de Europa de hoquei sobre patíns.
Non debemos perderlle a pista ao Martinelia Club Patí Manlleu, outro dos equipos chamados a dar que falar xunto co Cerdanyola HC Feníe Energía ou o Telecable HC.
O sistema de competición de esta campaña será con 14 equipos enfrontándose todos contra todos a ida e volta. Os catro primeiros clubs serán os que se clasifiquen para xogar os play-offs polo título de campioas da OK Liga.
💬 Declaracións de CARLOS LOUREIRO, técnico do #DeportivoLiceo, na previa do regreso á OK Liga Feminina.
🔗 ENTRADAS Á VENDA: https://t.co/s7H7jnsByG#TodoÓVerde pic.twitter.com/n7yHyzMsO8
— Hockey Club Liceo Feminino (@HCLiceoFem) November 5, 2021
XOGADORAS DO HC DEPORTIVO LICEO 2021-22
PORTEIRAS
- Mencía Mosquera
- Viki Caretta
- Katy Guscín
DEFENSAS
- Andrea Ojeda (defensa)
Alejandra Martín (defensa)
Naiara Vaamonde (delantera)
MEDIOS
- Beatriz Gaete (medio)
- María Sanjurjo (medio)
- Lara Yáñez (medio)
- Luchy Paz (medio)
- Isabel Barros (medio)
- Lucía Yáñez (medio)
- Cristina Diz (medio)
- Adriana Soto (medio)
DIANTEIRA
- Alba Garrote (delantera)
Estos son os horarios da primeira xornada da OK Liga feminina:
SÁBADO 6 DE NOVEMBRO:
- CP Las Rozas – Martinelia CP Manlleu (16:00 h)
- CP Voltregà Stern Motor – Igualada Femení HCP (17:30 h) (En directo pola OK Liga TV)
- PHC Sant Cugat – Garatge Plana Girona CH (18:00 h)
- Deportivo Liceo – CHP Bigues i Riells (20:00 h)
- Generali HC Palau de Plegamans – Telecable HC (20:00 h) (En directo pola OK Liga TV)
- Lidergrip CH Mataro – Cerdanyola CH Feníe Energía (20:30 h)
DOMINGO 7 DE NOVEMBRO:
- CP Vilanova – CP Vila-Sana (16:05h) (En directo por OK Liga TV)
