Chegou a hora da volta á elite para o Hockey Club Deportivo Liceo. O conxunto que adestra o técnico galego Carlos Loureiro regresará á máxima categoría o vindeiro sábado 6 de novembro, data na que recibirá en Riazor ó Bigues i Riells. Ese partido da Ok Liga Feminina está previsto para as 20:00 horas no Pazo dos Deportes coruñés. Desde o club coruñés informan de como pode facer o público para facerse coas súas entradas para asistir ao partido.
Todas as persoas afeccionadas ao equipo liceísta que o desexen poderán asistir a esta importante cita ante o CHP Bigues i Riells. O procedemento será exactamente o mesmo ó aplicado nos partidos como local do equipo masculino, polo que existirán tres escenarios: un para os socios do Deportivo Liceo, outro para o público xeral e un último para os abonados do Real Club Deportivo. Nos dous primeiros será necesaria unha ligazón que se facilitará nas redes do club durante os próximos días.
No caso das persoas socias do Hockey Club Liceo, deberán mostrar o código QR do seu carnet dixital á hora de entrar. Será a medida habitual mentres se xestionen os pases físicos. Polo tanto, neste caso non será necesario maior procedemento.
Se non es socia do HC Liceo e queres selo, contámosche como
Se todavía non eres socia do Deportivo Liceo, desde o club coruñés anímante a unirte a través do seguinte link https://bit.ly/3nS6ZvN
No caso do público xeral contarase con entradas a un prezo de 5€ cada unha. Adquiriranse en liña mediante a seguinte ligazón de CLUBER: https://bit.ly/3k0JKyF
No caso das persoas aboadas do RC Deportivo hai outra ligazón CLUBER para adquirir a entrada sen custo algún: https://bit.ly/3nV0kAZ
Segundo advirten desde o Hockey Club Liceo, na chegada ós aledaños do Pazo dos Deportes de Riazor, as persoas que apliquen esta posibilidade terán a obriga de presentar dous documentos: o código QR dese pase e o seu carnet do Real Club Deportivo. Serán indispensables para acceder.
