Na campaña #YoSeréLeona, Leonas e clubs amadriñados establecen unha relación directa. Segundo explica a Federación Española de Rugby cada club nomeará a unha persoa que faga de contacto coa súa madriña, “de maneira que esta sexa a encargada de facerlle chegar aquela información que poida ser do seu interese para o desempeño do seu labor”.
Pola parte dos clubs, estos poden utilizar “o nome e a imaxe da súa leona para promover todas aquelas actividades que fomenten a participación e a retención das nenas”. De feito a propia a FER failles chegar imaxes delas coas seleccións de XV ou Seven. Remíntense fotos ou vídeos para que os clubs amadriñados poidan usalas.
Da parte das madriñas, as xogadoras da Selección Española de Rugby comprométense a utilizar as súas diferentes redes sociais para, “cando elas consideren oportuno, dar visibilidade ás actividades que fagan os clubs” que amadriñan.
As madriñas postearán nas súas redes sobre os clubs
Explica a FER que “en función do número de clubs que amadrinen e da súa dispoñibilidade en cada momento, tendo en conta que o prioritario para elas é a competición, as Leonas realizarán algún vídeo ou post, xa sexa a petición da persoa de contacto ou por iniciativa propia”.
Tamén “dentro das súas posibilidades e de maneira coordinada coa área de Desenvolvemento e o departamento de Prensa da FER, as xogadoras internacionais acudirán a algún acto do club que amadrinan para mostrarlle o seu respaldo”, relatan desde a Federación Española de Rugby.
Trátase polo tanto dunha relación mútua na que madriñas e amadriñadas se apoian de xeito público empregando as redes sociais para trasladar á opinión pública unha imaxe en positivo do seu deporte: o rugby. Tendo así un contacto directo da elite e a base feminina do deporte do balón oval. As nenas terán referentes claros de carne e oso. E as Leonas terán na súa carreira deportiva os folgos e o alento que lles trasladarán os clubs.
Desde a FER animarase aos clubs a estar pendentes das súas leonas, “de maneira que lles apoien nas súas redes sociais, así como de informar a Área de Desenvolvemento de como marcha o labor de captación e retención de xogadoras”.
Alevín Medín, Elsa Porto e Mónica Castelo súmanse á campaña “Yo seré Leona”
