Coa fin da primeira fase na Primeira Nacional Feminina, da comezo a segunda parte da competición regular, onde tres equipos galegos loitarán por ascender á Reto Iberdrola. Trátase do Viaxes Interrías FF, o Victoria CF e o Dépor ABANCA B.
Os outros seis equipos da terceira categoría do fútbol español (UD Mos, Sárdoma CF, Victoria FC, Umia CF, Atlético Arousana e CD Valladares) competirán por salvar a categoría.
Todos os equipos arrastrarán os puntos obtidos e goles a favor e encontra na primeira fase. Desta forma, o subgrupo 1C estará formado polos tres primeiros equipos do 1A e o 1B.
Os conxuntos do A enfrontaranse a dobre volta aos do B, non podendo competir cos equipos do seu mesmo subgrupo da primeira fase. Así, esta fase para acceder á Reto Iberdrola contará con seis xornadas.
Fase de ascenso á Reto Iberdrola
Os tres primeiros clasificados de cada grupo acceden directamente á loita polo título de Campión de Grupo. No caso das galegas, enmarcadas no 1A, as tres representantes nesta segunda fase serán o Viaxes Interrías, o Victoria CF e o Dépor ABANCA B.
O primeiro equipo de cada un dos grupos C que se conforman, será declarado Campión de Grupo. De tal maneira que, os sete campións de grupo e o mellor segundo dos sete, segundo os coeficientes, pasarán á Fase de Ascenso á Reto Iberdrola.
Esta parte da competición celebrarase a dobre partido, con emparellamentos que se sortearán chegado o momento, e da que sairán os catro ascendidos á Reto.
Dentro do 1C, no que compiten as galegas, os seus rivais serán o Real Oviedo B, o Gijón FF e o CDE Racing Férminas B.
Fase de permanencia
Pola parte baixa da táboa, participan os equipos do cuarto ao último posto de cada subgrupo da primeira fase, orixinando así un novo subgrupo (D), de 10 ou 11 conxuntos. No resto de aspectos, o funcionamento é o mesmo ao relativo á fase de ascenso.
Así, as galegas da UD Mos, Sárdoma CF, Victoria FC, Umia CF, Atlético Arousana e CD Valladares competirán contra CD Monte, UD Llanera, Real Sporting de Gijón B, CD Oceja e Castro FC.
