A cancha lucense de Vista Alegre poderá volver gozar do ambiente na Bancada Laranxa despois de catro semanas. Coas últimas medidas sanitarias da Xunta de Galicia, as Guerreiras poderán contar co apoio do público mañá sábado 5 de decembro ás 18.30 horas. Será nun duelo de contrastes, ante o Xaloc Alacant. A cita tamén se poderá seguir a través de Burela FS TV.
Dende a súa atalaia da terceira praza da clasificación (13 puntos), o Pescados Rubén Burela recibe un rival que non tivo bo inicio e aínda non puido puntuar nos seus cinco encontros que leva disputados. As diferentes prevense notables.
O conxunto galego continúa na súa dinámica de evolución para seguir medrando. Segundo apuntaba a futbolista laranxa Dany: “Despois do complicado partido de Majadahonda o equipo segue traballando para perfeccionar erros e seguir mellorando”.
Dany, guerreira laranxa: “Enfrontarémonos a un equipo apostado na zona defensiva, é complicado xogar nunha área reducida pero traballamos para que o noso estilo de xogo se impoña e poder seguir sumando de tres en tres”
Consultada sobre o rival, o Xaloc Alacant, a Dany non baixaba a guarda e apuntaba que é “un adversario que non puntuou aínda, pero non temos que confiarnos”. Despois da axustada vitoria da semana pasada (3-4), esperando un partido correúdo. Neste sentido a pivote hispano-brasileira facía unha lectura previa do envite e declaraba: “Enfrontarémonos a un equipo apostado na zona defensiva, é complicado xogar nunha área reducida pero traballamos para que o noso estilo de xogo se impoña e poder seguir sumando de tres en tres”.
Partido pola Igualdade en Vista Alegre
A tolerancia, a igualdade e a sensibilización contra a violencia de xénero serán o leitmotiv da oitava xornada de Primeira na cancha galega de Vista Alegre. “O club sempre traballou pola igualdade. Para nós é un orgullo contribuír unha vez máis para difundir esta mensaxe” confesaba a 3 burelista, co Pescados Rubén Burela FS como unha das imaxes do I Plan de Patrocinio de Equipos Femininos da Xunta de Galicia 2020.
O acceso ás instalacións de Vista Alegre estará habilitado tan só para Abonados Mixtos e Femininos, presentando DNI; non haberá entradas á venda.
Advirte o club da Mariña que de acordo á Orde do 3 de decembro publicada no Diario Oficial de Galicia, “o club deberá ter rexistro de todos os asistentes ao partido, con custodia durante un mes, coa información de contacto dispoñible para as autoridades sanitarias, cumprindo coa lei de protección de datos de carácter persoal”.
Jenny será baixa durante os próximos meses
Por outro lado, as malas noticias chegan en forma de lesións. As probas realizadas a Jenny confirmaron un diagnóstico que lamentablemente afastará á internacional lusa das pistas e do cinco contra cinco nos próximos meses. A futbolista do Burela ten unha rotura de ligamento cruzado anterior e rotura parcial de ligamento colateral medial.
Á ausencia de Cely e Jenny, tamén se sumará mañá Cristina, por molestias nun talón.
Este partido abre dun mes de decembro duro para as da Mariña
O encontro ante as alacantinas abre unha axenda apertada para decembro para o Pescados Rubén Burela. As galegas deberán afrontar diferentes competicións. Teñen compromisos de Liga e a Final Four de Copa da Raíña (Málaga 18-20 de decembro).
Sobre esa cantidade de partidos que afrontarán as Guerreiras Laranxas neste último mes de 2020, Dany explicaba: “Temos un mes moi intenso por diante, pero temos moitas ganas de seguir traballando e conseguindo éxitos”.
Sobre o compromiso de Copa da Raíña, nesa final a catro dixo: “Esperamos poder defender o título en Málaga e que a afección o disfrute a través de Teledeporte”. Así de ilusionada mostrábase Dany. O conxunto galego despedirá deportivamente o ano 2020 o 27 de decembro. Será recuperando no mausoleo laranxa de Vista Alegre o partido que teñen pendente desde a xornada 2 da Primeira División do Fútbol Sala Feminino da RFEF que aprazada e que as medirá ao conxunto do Intersala Promesas.
