A Federación Española de Atletismo vén de presentar o Anuario do Atletismo Español 2018-2019, trátase dunha publicación que en formato digital recolle en case 2.000 páxinas a información relativa da citada tempada deportiva. Varias son as deportistas galegas que aparece nesta edición, entre delas, Ana Peleteiro, Solange Pereira que están incluso en portada. Tamén se destaca o adeus da corredora Alessandra Aguilar.
Ránkings, resultados, historiais, biografías e un sinfín de hitos que tiveron lugar nese curso deportivo que tivo como punto culminante o Mundial de Doha, pero que ademais viviu outros grandes momentos como a inauguración do novo estadio de Vallehermoso en Madrid e unha semana despois o gran Campionato de España absoluto que se viviu na Nucía.
Tal e como sinala o presidente da RFEA Raúl Chapado na súa saúda inicial “Tedes nas vosas mans o documento por excelencia desta tempada. Como cada ano, chega o momento de presentarvos o Anuario do Atletismo Español 2018/2019. Un tesouro para todos os amantes do noso deporte, analistas ou afeccionados, técnicos ou deportistas. O que e os quen do noso atletismo nun ano que nos deixou grandes momentos deportivos. Unha tempada máis longa do habitual, con catorce meses de competición, desde novembro de 2018 até decembro de 2019, repleta de recordos que permanecen na nosa memoria”.
Entre estas páxinas, se poden atopar os resultados e as mellores marcas españolas, os atletas que seguen no máis alto do rankings e as novas promesas que se están convertendo en realidades. O presidente da RFEA Raúl Chapado explica que se trata dun “único documento no que dispor de todos os datos actualizados. Unha análise estatística para mostrar o lugar no que se atopa o noso atletismo e que serve de punto de partida para traballar nos listóns que queremos superar”.
Datos das probas de Atletismo ao aire libre
Conta a RFEA que este anuario chega “máis voluminoso que nunca na historia dos Anuarios ao aire libre (que tamén inclúe a ruta, marcha, trail running e montaña) onde se poden atopar no seu primeiro gran bloque resultados completos de todos os Campionatos de España Individuais, por equipos e de clubs das diferentes especialidades, o resto de competicións do calendario nacional.
Tamén se pode atoar un resumo da actividade de España Atletismo cun total de 48 medallas internacionais (22 mulleres e 26 homes); 26 en Campionatos de Europa, 8 en Campionatos do Mundo e 14 noutras competicións (Copas de Europa, Copas do Mundo), alcanzándose un total de 91 postos de finalista, 80 deles en Campionatos do Mundo ou de Europa.
Hai cifras salientables como que un total de 475 atletas representaron a España nas 28 competicións internacionais nas que participou o equipo nacional, obtendo resultados significativos. Hai que resaltar as 28 medallas conseguidas polos atletas Sub-23, Sub-20 e Sub-18 nos Campionatos de Europa de 2019.
Especial atención merecen ás marcas de España nun ano tamén onde a colleita foi moi alta con 136 marcas nacionais (ou mellores marcas españolas) nas diferentes categorías, seguindo o ronsel do pasado onde se tocou o teito histórico (190), e meternos de cheo nas moitísimas páxinas dedicadas ao ránking de España nas súas respectivas categorías (absoluto, sub23, sub20, sub18, sub16, sub14 e máster, ademais das sempre importantes clasificacións por clubs e Federacións Autonómicas e actuacións de atletas estranxeiros residentes en España.
Tal e como relatan desde a RFEA: “As grandes protagonistas, as atletas, teñen a súa mención especial cun longo capítulo de detalladas biografías en todas as probas e ademais amplamente ilustrado así como o índice de atletas, sempre gran fonte de consulta”.
Alessandra Aguilar, entre as que dixeron adeus
Desde a RFEA tense un recordo tamén a grandes atletas que puxeron punto final á súa dilatada e exitosa carreira deportiva centrado este ano neste catro atletas: Alessandra Aguilar, Beatriz Pascual, Pau Tonnesen e Luís Alberto Marco.
En definitiva, esta publicación da RFEA é unha referencia estatística e histórica do atletismo español fielmente reflectida e ilustrada con multitude de fotografías que a Real Federación Española de Atletismo pon a disposición de todos os bos afeccionados en versión dixital totalmente libre e gratuíta e que se descargar nas ligazóns que atoparedes sobre as fotografías.
Anuario Atletismo Pista Cuberta / RFEA
Anuario Atletismo Cross / RFEA
