Únese o staff do CD Burela FS o psicólogo Cristian Fernández, quen se ocupará dos dous equipos, segundo informa o club da Mariña.
A psicoloxía deportiva é hoxe en día una das grandes ferramentas que teñen á súa disposición os profesionais para render o 100% durante toda a tempada, ademais de servir de apoio nos momentos críticos, como lesións, etc. Con todo, non sempre é unha especialidade que se traballa nos equipos profesionais.
A traxectoria de Cristian Fernández
Cristian Fernández Otero ocúpase desde hai anos de axudar os deportistas para fortalecer e adestrar a parte mental do seu traballo. Cunha dilatada traxectoria en equipos como o Ourense Envialia FSF, Ourense CF, Club Athlos Badminton, Club Waterpolo Pabellón ou UD Barbadás, Cristian é tamén profesor das materias de psicoloxía e liderado nos cursos UEFA C, UEFA B, UEFA A e UEFA PRO tanto en fútbol como en fútbol sala.
“Co traballo de Cristian Fernández Otero esperamos mellorar e coidar moito mellor a saúde dos nosos xogadores e xogadoras, algo que lles axudará dentro e fóra da pista”, explican desde o Pescados Rubén Burela
