- A última proba atlética coruñesa do ano reforzou o seu protocolo anticovid. A San Silvestre Coruña esixe ás persoas participantes certificado de vacinación e máscara, ademais dará a saída en caixóns para manter a distancia e por ondas
A San Silvestre Coruña esgotou os 4.000 dorsais dispoñibles na que será xa a duodécima edición. Os primeiros participantes tomarán a saída o 31 de decembro cun adianto de 15 minutos sobre a hora prevista, ás 16.45 en lugar da as 17.00, por temas de afección de tráfico e debido ás saídas graduadas que se producirán con motivo do protocolo de continxencia elaborado para tratar de evitar a propagación do covid-19.
A proba conta cun plan específico para previr os contagios da COVID-19, no que se obriga a todos os participantes de máis de 12 anos a exhibir o certificado de estar vacinado (ou de pasar a enfermidade no últimos seis meses) ou un test de antígenos ou PCR de 72 a 48 horas antes cando acudan a recoller a bolsa do corredor.
Cada participante recibirá unha pulseira de cor para cada quenda de saída, que indicará o número e a hora de chamada. A primeira saída absoluta será ás 16.45 horas; a segunda, tres minutos despois e así sucesivamente ata o final. As saídas realizaranse en ondas.
O caixón de saída A estará reservado para as e os corredores que acreditan un tempo inferior a 31 minutos.
A San Silvestre Coruña córrese con máscara
As e os deportistas participantes terán que levar a máscara en todo momento, e moi especialmente na zona de meta, onde se produce maior concentración de persoas. A organización dispoñerá de máscaras para quen poida ter algún contratempo coa súa e o avituallamiento collerano directamente os participantes.
Ademais, todas as persoas rexistradas recibirán un documento co protocolo que deben seguir antes, durante e despois e eliminouse o roupeiro para evitar aglomeracións. Tampouco se está celebrando a feira do corredor durante a retirada de dorsais en Decathlon para evitar a concentración excesiva de persoas en espazos pechados.
As carreiras infantís terán lugar ás 16.00 horas, tal e como estaba previsto, tamén por ondas, con máscaras e seguindo o protocolo sanitario vixente.
A participación feminina na San Silvestre Coruña aumenta ata o 37%
A sustentabilidade tamén corre a San Silvestre Coruña na que cada lata conta
