Cris Lourés Casas (Ferrol, 12/11/2002) é unha das novas incorporacións para a primeira plantilla do Viaxes Amarelle FSF na Primeira División Nacional Feminina FS. Xogadora de calidade, con gran proxección e que, a pesar de non ter os 18 anos cumpridos, xa disputou algúns minutos co Burela Pescados Rubén FSF nas últimas tempadas, grazas convenio de filialidade que dispón o seu club de orixe, o Comarcal A Fervenza FSF.
Cris Lourés, é unha desas xogadoras formadas en berces do fútbol sala como as escolas do Parrulo Ferrol desde o ano 2007 ata o 2014, tempada na que pasa a competir e adestrar co Comarcal A Fervenza FSF.
https://twitter.com/amarellefsf/status/1295755797247545344?s=20
Nestes últimos seis anos no conxunto de ferrolterra despuntou desde os seus inicios en categorías inferiores e moi pronto se foi gañando un oco no primeiro equipo senior, sendo xa nas últimas tempadas unha titular indiscutible no seu persoal de Segunda División Nacional Feminina FS. A o mesmo tempo, alternaba adestramentos e convocatorias co Burela Pescados Rubén FSF, na Primeira División Nacional Feminina FS.
Cris Lourés xa ten un bó palmarés a pesar da súa corta idade
Dentro dos títulos conseguidos pola moza ferrolá destacan a liga Autonómica Feminina FS e Copa Autonómica Feminina FS conseguida co Comarcal A Fervenza FSF, ademais da Supercopa de España e o título de Liga de Primeira División Nacional Feminina FS acadada mesta última tempada co Burela Pescados Rubén FSF.
Para coñecela un pouco mellor, e saber da súa visión de fronte a nova tempada, o conxunto herculino realizou unha entrevista coa súa nova xogadora:
Pregunta: Como afrontas esta nova experiencia de poder saír a competir na elite do futsal feminino.
Resposta: Creo que é un gran cambio con respecto a Segunda pero afróntoo con moitas ganas e ilusión.
P: Esta última tempada xa tiveches os teus minutos co Burela Pescados Rubén FSF, ademais de participar co Comarcal A Fervenza FSF. Que che fixo decidir para competir co Viaxes Amarelle FSF?
R: Sempre foi un equipo que me chamou a atención e pois despois de varios anos competindo en segunda, creo que era o equipo idóneo para dar o salto a Primeira División.
P: Cal é o teu punto de vista sobre a aposta de xogo do Amarelle FSF e da tempada que realizaron?
R: Fixeron unha gran tempada, pois conseguiron o ascenso sen perder un partido e en referencia ao seu xogo quedo co bo trato de balón e a presión que realizan.
P: A media de idade do plantel do equipo vai ser unha das máis novas da Primeira División. Ves que a idade pode ser un hándicap para o equipo?
R: Está claro que a idade é importante e pode penalizar nalgúns aspectos pero non o vexo un problema á hora de competir senón todo o contrario.
P: Que crees que podes achegar ao grupo e ao equipo para esta nova tempada?
R: Eu espero achegar traballo, ilusión e ganas.
P: Será a terceira tempada de Jorge Basanta no banco do club. Coñecíalo persoalmente con anterioridade? Que che parece a súa metodoloxía de traballo?
R: Coñecíao da selección galega sub-19 e a verdade gustoume moito a súa forma de traballar e de levar o equipo.
P: Que esperas do Viaxes Amarelle FSF esta tempada na Primeira División Nacional Feminina FS?
R: Espero que podamos crecer como equipo e que consigamos manternos en Primeira.
P: Para despedirnos, gustaríanos deixarche á túa elección; as palabras que queiras dirixir tanto á afección, como familia.
R: Dicirlle á afección que nos apoie que sempre teñen un papel fundamental.
Dende o clube danlle as grazas a Cris Lourés Casas pola confianza depositada no conxunto herculino para incorporarse e formar parte do equipo nesta nova tempada, asumindo o reto de traballar co Viaxes Amarelle FSF, para que o equipo aséntese na elite do fútbol sala feminino nacional. Esperan que sexa unha tempada satisfactoria para ambos, tanto en obxectivos persoais, como de grupo.
