A Selección Española de voleibol comeza os preparativos do Europeo de Austria e Grecia e o adestrador Pascual Saurín publicou a primeira lista de convocadas. Nela están Lucía Prol e Inma Lavado, dúas loitadoras do CV Arenal Emevé.
A excelente tempada destas xogadoras do club lucense, claves na permanencia do equipo na Liga Iberdrola, vese recompensada con esta convocatoria. Desde este luns 12, Prol e Lavado concéntranse coa Selección para preparar o preuropeo de maio.
O calendario das Leonas, no que poderán participar Prol e Lavado
Nos próximos meses, as xogadoras do combinado estatal teñen por diante grandes retos, o preuropeo de volei, a fase previa da Liga Europea e, no caso de logralo, as fases finais de ambos torneos.
As loitadoras Prol e Lavado poderían formar parte do plantel que dispute estes campionatos. Nesta primeira convocatoria, as xogadoras forman parte do grupo de sete deportistas que se preparan en Azuqueca de Henares.
O próximo luns completarase a convocatoria de 19 xogadoras coas que están a disputar os play-offs e as que participan en campionatos estranxeiros. Dese grupo, elixido por Pascual Saurín, saldrá o equipo definitivo de 14 xogadoras para disputar a primeira cita, o clasificatorio para o Campionato de Europa.
No caso de que estas loitadoras formen parte das elixidas, viaxarán a Grecia para competir no grupo C o 7, 8 e 9 de maio con Noruega, Grecia e Austria. A continuación, acudirían a Austria para repetir rivais entre o 13 e o 15 de maio. O primeiro equipo clasificado desta dobre liguilla disputada en sede única, seguindo os protocolos COVID-19, disputará a fase final do campionato o entre o 16 de agosto e o 30 de setembro en Romanía, Serbia, Croacia e Bulgaria. Ademais, os dous mellores segundos dos seis grupos clasificatorios tamén terán acceso á fase final. Orixinalmente, a data inicial era agosto do 2020, pero a pandemia obrigou a mudar de plans.
O seguinte reto para as leonas será o clasificatorio para a Liga Europea, prevista para o último fin de semana de maio e o primeiro de xuño. O formato será de dous liguillas con fase única en Romanía e Francia, e nelas as españolas xogarán con Romanía, Francia e Azerbayán. O campión terá unha praza na Final Four, nunha competición na que na súa última edición, as vermellas foron cuartas.
O primeiro listado de convocadas
Estas son as primeiras sete leonas convocadas por Pascual Saurín en Guadalajara e Azuqueca de Henares e que adestraran ás ordes de Esther López.
- Lucía Prol – Receptora – CV Arenal Emevé
- Raquel Lázaro – Colocadora – USC Trojans
- Inma Lavado – Central – CV Arenal Emevé
- Amelia Portero – Receptora – CV Kiele
- Itziar López – Oposta – DSV CV Sant Cugat
- Denia Bravo – Oposta – AD Algar Surmenor
- Anna Newsome – Colocadora – DSV CV Sant Cugat
