O Muralla Galicia Emerging volveu a perder pero mellorou os seus números nesta terceira xornada. A filosofía do club é esa, mellorar e formar. O único ensaio das galegas volveu a subir ao marcador das mans de Lucía Hurtado nesta xornada tres da División de Honra B do rugby feminino. Desta volta, diante o C.P. Les Abelles. Con todo, e a pesar da progresión, as galegas perderon por un tanteo 5 a 34 no Gregorio Pérez Rivera (As Pedreiras).
Os primeiros minutos estiveron marcados pola superioridade do equipo valenciano. Abriron o marcador con dous ensaios, obra de Lucía Abellán e Camila Rios. Carla Ferrando encargouse de transformar este último. No minuto 35 chegou a ledicia para as locais cando Lucía Hurtado conseguía transformar o único ensaio das lucenses.
Tras o tempo de lecer, as tornas volveron a ser as mesmas que o principio do encontro. Lucía Abellán volvía a firmar, esta vez, dous ensaios. Tras o dous ensaios seguidos de Lucía, chegaría o turno para María Benlliure e Alicia Ahuir. Ester López pechaba a conta para as valenciás e poñía o derradeiro 5-34 no marcador final.
Trala derrota as galegas seguen na sétima posición da clasificación xeral. Teremos que esperar ata a seguinte semana para volver a disfrutar do conxunto da cidade amurallada. O 16 de febreiro (domingo, aínda sen confirmar á hora) desprazaranse ao País Vasco para xogar ante o AVIA Eibar Rugby Taldea no Unbe.
A competición vive un parón esta fin de semana a bo seguro que o corpo técnico conformado por Rogelio Sabio e Jos Portos aproveitará esta circuntancia para pulir erros do bloque e mellorar o xogo. O apartado anímico e de confianza nas súas posibilidades, parece ser o principal escollo das lucenses do Muralla Galicia Emerging para poder ofrecer un mellor rugby sobre o terreo de xogo.
MIRA O PARTIDO DO MURALLA GALICIA EMERGING NA SÚA CANLE DE YOUTUBE
FICHA TÉCNICA
MURALLA GALICIA EMERGING: Paula Ben, Mariona Bordas, Meghan Cassidy, Sara Boughaba, Carmen Janeiro, Divina Leis, Danae Viñas, Coro Repulles, María Veiga, Eva Bañobre, Tanía Martínez, Paulina Alcoleas, Noemí Esteban, Guillermina Fernández e Lucía Hurtado.
Tamén xogaron: Sabela Chan, Alba Mur, Alba de la Fuente, Ana Sedano, Verónica Marí e Antía Piñeiro.
C.P. LES ABELLES: Sara Tortajada, Irene Noguera, Marie Michaud, Ana Abril, María Rodríguez, Alicia Ahuir, Nínive Ríos, Marta Isabel Later, Carmen Villoldo, Carla Ferrando, María Benlliure, Camila Soledad Ríos, Lucía Abellán e Tania Cifuentes.
Tamén xogaron: Amparo Cloquell, Martina Fernández, María Úbeda, Ester López, Gloria Pérez, Cristina García e Macarena Estrela.
ÁRBITROS: Miriam de la Rubia.
MARCADOR:
Min. 2; Ensaio de Lucía Abellán.
Min. 27; Ensaio de Camila Ríos.
Min 28; Transformación de Carla Ferrando.
Min. 35; Ensaio de Lucía Hurtado.
Descanso
Min. 45; Ensaio de Lucía Abellán.
Min. 52; Ensaio de Lucía Abellán.
Min. 61; Ensaio de María Benlliure.
Min. 72; Ensaio de Alicia Ahuir.
Min,. 73; Transformación de Ester López.
