Para conseguir sumar a súa vixésima segunda vitoria consecutiva, o BAXI Ferrol deberá imporse ao seu inmediato seguidor. Con esa idea, as ferrolás reciben na Malata ao segundo clasificado: o Osés Construcción Ardoi.
Mañá, domingo 28 de febreiro, ás 12.00 horas, o BAXI Ferrol xoga no pavillón da Malata (con público) ante o Osés Construcción Ardoi, buscando bater a marca de trunfos na competición acadando a súa vitoria 22ª de xeito consecutivo.
Visita o feudo departamental o segundo clasificado do campionato, que chega con tres derrotas na súa marcadora e que quere ser o primeiro en poder derrotar á escuadra ferrolá. Se alguén pode facelo, deberan ser as navarras.
O Osés Construcción Ardoi se desplaza directamente desde Tías (Lanzarote), onde onte mesmo xogaba ante o Magectias contra a violencia de xénero. Chegan logo de vencer en Canarias cinco puntos, e cunha novidade no seu equipo, xa que se lesionou a súa pivote Deborah Ayela, que vai ser difícil que poida xogar mañá domingo en Ferrol.
Para afrontar este encontro diante das de Zizur Mayor, o equipo ferrolán ten a única dúbida de Natalia Rodríguez, xa que non está plenamente recuperada dunha escordadura de nocello e é pouco probable que participe no partido, mentres que as demais xogadoras están en perfectas condicións.
O adestrador das ferrolás do BAXI, Lino López, comentaba sobre o encontro que a idea do grupo que adestra é “enfrontar a un equipo moi intenso, que trata de defender moi forte para que non xogues cómodo e que é moi rápido nas transicións”.
Lino López, técnico do BAXI Ferrol, fala do partido: “Imos enfrontar a un equipo moi intenso, que trata de defender moi forte para que non xogues cómodo e que é moi rápido nas transicións”
Ademais, o técnico das galegas engade sobre o xogo propio, que van “tentar seguir coa nosa liña de traballo, mellorando cousas de cara á fase de ascenso e este é un partido que nos pode vir moi ben, porque vai ser esixente”.
A Malata volve abrir ao público
Logo de que Xunta de Galicia levantase parcialmente as restricións de entrada de público en recintos deportivos. O BAXI Ferrol volverá estar acompañado desde as bancadas pola súa afección.
Para este encontro poderán acudir ao pavillón da Malata 250 persoas, o máximo permito polas autoridades autonómicas neste momento. Tratarase de abonadas do club. Aquelas persoas que non poidan estar no pavillón ferrolá, poderán seguir o partido contra o Osés Construcción Ardoi a través de canalfebtv como é habitual.
