Nuria Bouza e Nazaret Florián volven a subir o primeiro posto do podio. Esta vez na casa, en Ourense. Impuxéronse na final do primeiro torneo do Circuíto de Inverno de Volei Praia a parella madrileña formada por Clara Soler e Siobhan Nicaudie (2-1).
As galegas do Club Milenio de Ourense fixeron unha excelente competición. Conseguiron meterse na final onde se enfrontaron ao dúo do Club Volei Playa Majadahonda. Unha final moi reñida (19-21/ 21-18/ 15-11).
Clara e Siobhan comezaron gañando. Nuria e Nazaret tiveron que remontar e emplearse a fondo despois de ceder o primeiro set. A parella madrileña demostrou a súa gran clase pero acabaron cedendo os dous seguientes ante a calidade da dupla do Milenio.
Na terceira posición da competición quedou a parella do Club Volei Praia Lugo formada pola xovén lucense María Bouza e a finlandesa Anninna Touhimaa. Derrotaron as xogadoras do Club Volei Praia Vigo, María Xudit Carrete e Jacqueline Casal.
A primeira vez na historia que o Circuíto de Inverno celébrase en Galicia
O Club Volei Praia Milenio concluiu con éxito a participación e organización do primeiro torneo do Circuito de Inverno de Volei Praia Nacional. Reuníronse en Ourense a varias das mellores das parellas nacionales do momento tanto na categoría feminina e masculinas. A proba realizouse nas renovadas pistas no recinto municipal de Oira.
Concretamente, a competición viaxaron nove parellas na categoría feminina e doce na masculina provintes das comunidades galegas, madrileña, cantábrica, extremeña e dos países como Portugal, Brasil, Finlandia e Venezuela.
Foi a primeira vez na historia do volei praia galego que se celebrara o primeiro torneo do circuito de inverno na nosa comunidade. A pesar do intenso frío reinante na cidade das burgas, resultou todo un éxito a nivel organizativo. O club proporcionou a todos os xogadores e público asistentes varias bebidas e alimentos. Con chocolate con churros ou consomé intentaron que todo o mundo entrara en calor durante a competición. Tamén deron pinchos, fruta e bebidas en abundancia para combatir o desgaste propio da competición.
Pero esto non queda aquí. O Milenio organizará outras tres probas do calendario nacional do volei praia homologadas pola Federación Española. Serán nos meses de xaneiro, febreiro e marzo.
