A División de Honra Prata este fin de semana (o sábado 8 de febreiro, ás 20.00 horas) ten un prato moi forte para os afeccionados galegos. O primeiro duelo galego da segunda volta da competición entre o CdeC Lavadores e o SAR Rodavigo. O Carballal, ten unha cita importante ante o primeiro da táboa, o Balonmano San José Obrero Lanzarote. O Rubensa Porriño volve a xogar o domingo ante o Oviedo Balonmano.
Duelo galego na División de Honra Prata
O sábado (8 de febreiro, ás 20.00 horas) os afeccionados galegos teñen unha cita importante da División de Honra Prata. O CdeC Lavadores e o SAR Rodavigo enfróntanse no pavillón municipal de Lavadores na xornada 19 da competición.
Para o adestrador do Lavadores, Anxo Otero, o SAR é “un bo equipo, que ten boas xogadoras que levan xa anos competindo nesta categoría, pode gañarlle a calquera equipo da competición”. Según Elisardo González, o técnico do Rodavigo, destaca do rival para o duelo galego “o seu xogo co pivote, un bo lanzamiento exterior e unha dirección de xogo excelente por parte da sus central, un equipo moi equilibrado”.
As locais están por diante das de Redondela. O Lavadores é oitavo e ven de perder por un gol de diferenza ante o rival da competición, o Balonmano San José Obrero Lanzarote. “Traballando con gañas, a verdade é que e unha semana un pouco irregular debido as baixas e algunha xogadora que está enferma. Pero con gañas de afrontar un novo derbi galego” comenta sobre a cita Anxo Otero.
As redondelás chegan nun bo momento cunha racha de tres vitorias seguidas, sendo a última por un electrónico contundente ante o Palencia Turismo. “O equipo está con moita ilusión despois de que o xogo se vexa reflexado con bos resultados e con ganas de afrontar o duelo ante un rival directo”
Esta é a segunda vez que se atopan esta tempada. En A Marisma, o Lavadores levouse a vitoria por tan só un gol de diferenza: 22 a 23. Para o duelo galego ambos equipos presentan baixas no seu plantel.
DATOS DE INTERESE
DÍA E HORA: 8 de febreiro, ás 20.00 horas.
CAMPO: Pavillón Municipal de Lavadores – Vigo.
ÁRBITROS: Abel Juncal López e Ángel Mateos Alonso.
INCIDENCIAS: Partido correspondente a xornada 19 a División de Honra Prata no que enfrontará ao CdeC Lavadores contra o SAR Rodavigo no Pavillón Municipal de Lavadores.
Un Carballal cunha racha de dous partidos recibe ao líder da Prata, o San José Obrero
O A.D. Carballal non ten unha xornada moi aceptable. Este fin de semana (o sábado 8 de febreiro, ás 20.30 horas) no pavillón municipal reciben o primeiro da División Honra Prata, o Balonmano San José Obrero Lanzarote.
As galegas están na sétima posición da Liga. A xornada anterior ante o Siero Deportivo acadaron a vitoria que se contabiliza na segunda consecutiva. “Estamos competindo moi ben sobre todo nos partidos de casa con moita ilusión de plantar cara ao líder”, comenta o adestrador das locais, Javier Castro, para As Nosas.
Na partido de ida, as de Vigo estiveron moi preto de levarse a vitoria en Lanzarote. Quedáronse a tan só 3 goles: 30-27. “Na ida tivemos un pequeno bache. Durante a segunda parte fóronse no marcador e nos quedamos coa sensación de acadar algún punto. Temos as ganas de dar a sorpresa e gañar a un equipo que está escapando hacia o título da liga”. A última vítima do líder foi, o Lavadores.
DATOS DE INTERESE
DÍA E HORA: 8 de febreiro, ás 20.30 horas.
CAMPO: Pavillón Municipal de Carballal – Vigo.
ÁRBITROS: Beatriz del Valle Encuentra e Patricia del Valle Encuentra.
INCIDENCIAS: Partido correspondente a xornada 19 a División de Honra Prata no que enfrontará ao A.D. Carballal contra o Balonmano San José Obrero Lanzarote no Pavillón Municipal de Lavadores.
O Rubensa Porriño xoga na casa ante Oviedo Balonmano
As porriñenses volven a xogar o domingo (9 de febreiro, ás 12.30 horas) na competición . Esta vez, en O Porriño, reciben o terceiro da clasificación que leva tres vitorias seguidas, o Oviedo Balonmano.
En palabras de Miguel Sánchez para As Nosas: “Enfrontámonos a un dos mellores equipos e que mellor balonmán practica. É máis temible pola motivación extra que teñen por intentar meterse nos postos que dan acceso a fase de ascenso”.
O Porriño cae a semana pasada ante o Comercial Usal Hand Vall. Son novenas na clasificación da Liga. O equipo e o seu adestrador son conscientes da “dificultade do partido pero o enfrontarán con moita tranquilidade, ilusión, gañas para ser competitivas e intentar loitar pola vitoria”. Ou polo menos “independentemente do resultado, disfrutar e acabar o partido con boas sensacións”.
No partido de ida, en Oviedo, quedaron a oito tantos das locais por un 31 a 23. “Nesta ocasión temos que xogar a un gran nivel xa que elas contan cun gran plantel e se baixamos a concentración e o rendemento, marcarán diferenzas insalvables”, engadiu o adestrador do Rubensa Porriño. Este domingo no banco de O Porriño non estarán presentes Aitana, Marta Da Silva, Andrea y Laura.
DATOS DE INTERESE
DÍA E HORA: 9 de febreiro, ás 12.30 horas.
CAMPO: Pavillón Municipal de Porriño – O Porriño.
ÁRBITROS: David Montes González e Armando Abel Pérez Pomades.
INCIDENCIAS: Partido correspondente a xornada 19 da División de Honra Prata no que enfrontará ao Rubensa BM Porriño contra o Oviedo Balonmano no Pavillón Municipal de Porriño.
