As selección galegas xa disputaron os seus primeiros partidos no CESA 2020. As xuvenís e as infantís xa son terceiras de grupo. As cadetes, sen embargo, son últimas. Perderon ante Euskadi. Mañá (3 de xaneiro) segunda e importante xornada para remontar.
Os nervios e as pérdidas de balón desestabilizan as xuvenís
O conxunto dirixido por Carla Abad deixou escapar unha renta de catro goles. Finalmente empataron con Navarra por 28 a 28, nun partido no que os nervios foros decisivos.
Menos no 2-0 inicial, Galicia foi sempre por diante no marcador. Con distancias moi curtas e coa sensación de non estar cómodas na cancha de xogo.
Pola súa banda, as navarras, con moita garra e pouco perder. Estaban encantadas de esta situación e lograban seguir aí. Con opcións de darlle a volta ao marcador. Ao descanso, 11-14 para Galicia.
Na segunda metade nada cambiou. En torno ao minuto quince parecía que por fin a selección galega conseguía esnachar o encontro con cinco tantos de vantaxa (18-23).
A falta de cinco minutos, as rapazas de Carla Abab gañaban por tres tantos. Pero os nervios e as perdas de balón permitiulle a Navarra acadar o empate final.
Están terceiras na clasificación. A un punto só está a selección madrileña. Mañá (o día 3 de xaneiro, ás 9.30 horas) xogan contra a selección de Castela e León. Veñen de perder por 23 a 25 ante as de Madrid.
FICHA TÉCNICA
SELECCIÓN NAVARRA: Gotzone Jaso, Naroa Ros, Maialen Erro, Leire González, María Echarri, Miren Chavarri, María Soto, Haizea Amatria, Elisa Urbiola, Aileen Ripa, Alba Moreno, Itahisa Castillo, Miriam Semberoiz, Idoia Ainciburu, Zuhara Zaratiegi e Amagoia Laínez.
SELECCIÓN GALEGA: Lucía Afonso, Patricia Mallo, Sabela Miniño, Antía Estévez, Antía Seijo, Adriana Mallo, Carme Castro, Marta da Silva, Area Martínez, Sara Román, María Curras, Goretti Miguel, Laura Magdaleno, Anastasija Doder, Ithaisa Trigo e Adriana Ayude.
ÁRBITROS: Jordi Pinilla e Eric Deirós.
MARCADOR CADA 5′: 2-1, 2-3, 5-6, 5-9, 9-11, 11-14, 14-16, 17-18, 18-23, 21-25, 24-27, 28-28.
As de Adrían Pumar perden no primeiro partido
As cadetes perden por 22 a 26 ante Euskadi. Comezou moi ben o partido as rapazas de Adrián Pumar. Lograron marcador e aproveitaron as enormes paradas de Marian Mera (4-1, min. 10).
Pouco a pouco o encontro foi igualándose con moitos erros e imprecisións polos nervios do debut e así, un por riba, un por baixo chegou o descanso.
No inicio da segunda metade cambiaron as tornas e foi Euskadi quen sorprendeu cun parcial de 4-0. Permitiu coller aire no marcador e xogar con moita máis tranquilidade.
A central vasca foi a decisiva para abrir a defensa galega. Pese a todos os nervios, as galaicas intentaron remontar cun cambio de defensa.
Estiveron a piques de poñerse a un gol nun par de ocasións. Nos momentos decisivos non xogaron ben as superioridades e Euskadi logrou pechar a vitoria.
Na táboa xerál, a selección cadete galega é cuarta. Non sumou ningún punto. O día 3 de xaneiro ás 16.00 horas xogarán no pavillón de La Cantábrica ante a selección de Andalucía. As do sur da península veñen de gañar por tres goles (26 a 29) a selección de Castela e León.
FICHA TÉCNICA
SELECCIÓN GALEGA: Alba Afonso, Nerea Arias, Lucía Álvarez, Lorena Vaello, Lucía Méndez, Helena Sánchez, Aroa Fernández, Yaiza Alonso, Lucía Villamarí, Mara González, Marián Mera, Candela Franco, Athenea Barreiro, Carla Baltasar, Noelia Solla e Carolina González.
SELECCIÓN EUSKADI: Nora Vicioso, Leire Parra, Eider Castro, Ane Valero, Miren Garate, Leire Treviño, Garoa Sarrionandia, Yanis Aguado, Paula Molano, Laida Zaballa, Ugazi Manterola, Naia Orzaiz, Udane Macazaga, June Zubiaurre, Eider Tapia e Olaia Aizpitarte.
ÁRBITROS: Pablo San Emeterio e Javier Ariño
MARCADOR CADA 5′: 1-1, 2-1, 4-2, 5-5, 6-8, 9-10, 9-13, 14-17, 16-19, 19-22, 20-24, 22-26.
O empate que merecía ser unha vitoria para as minigalaicas
As infantís tamén empataron por 18 a 18 ante o conxunto valenciano. As de Ana Alonso xogaron esta mañá (o 2 de xaneiro) no pavillón da Habana Vieja.
As galegas estiveron por diante do marcador durante case todo o partido. A pesar da diferenza de talla das valencianas. Eran moito máis fortes. Os nervios do primeiro día provocaron bastantes imprecisións en ambos conxuntos.
Así, as minigalaicas basearon o seu xogo no traballo táctico e na saída ao contragolpe. Sen embargo, Valencia era un equipo máis físico.
A falta de dez minutos para o final, as de Ana Alonso vencían por dous tantos. Pero as de Andrea Aldeguer lograron empatar a 16 tanto cando só faltaban catro minutos.
Ata dúas veces as galegas adiantáronse pero o rival tampouco se rendeu. Nos últimos segundos, balón para Galicia. Dispuxo dun lanzamento de falta co tempo parada que saíu fóra por moi pouco.
Como as xuvenís son terceiras de grupo. A un punto da selección catalá. O día de 3 de xaneiro (ás 9.30 horas) xogan contra as de Madrid. Estas acaban de perder por 19 a 23 ante Cataluña.
FICHA TÉCNICA
SELECCIÓN COMUNIDADE VALENCIANA: Udane Bernabé, Laura Cecilia Urban, Remei Gallart, Andreia Catalina, Lucía Julve, Blanca Ipek, Rocío Amorós, Nia Yanes, Aurora García, Ariadna Zanón, Silvia Pardo, Sara Palanques, Aitana Carrillo e Bianca María Caba.
SELECCIÓN GALEGA: Adriana Rial, Alba Fernández, Sara Pereira, Lucía Castiñeira, Yara Pacheco, Nerea Patiño, Shaila Fernández, Irene Rios, Naihara Costas, Aine Roca, Irene Romero, Inés Bernárdez, Lidia Sanda, Iria Augusto, Alejandra Montenegro e Lecitia Santos.
ÁRBITROS: Lara Martínez e Libertad Martínez.
MARCADOR CADA 5′: 1-1, 2-4, 4-5, 6-6, 7-8, 9-10, 11-11, 13-14, 14-16, 18-18, 18-18, 18-18.
