Houbo que agardar á quinta xornada pero chegou. O Marín FutSal vén de acadar o seu primeiro triunfo na máxima categoría do fútbol sala feminino español. As pontevedresas impuxéronse por un marcador de 3-2 ao conxunto do AE Penya Esplugues.
Gaby foi a que abriu o marcador para as galegas. Antes do descanso Ceci sumaría o segundo para as galegas, que tiñan a súa portaría a cero grazas as fantásticas intervencións da súa gardameta, Silvia Aguete. Aitana anotaría para as visitantes na Raña (2-1). Pau foi a autora do 3-1 e Martita pechou o marcador achegando ás visitantes ata o 3-2.
A recta final do choque estivo chea de emoción e o bo facer da porteira do equipo pontevedrés, Silvia Aguete foi fundamental para que o Marín FutSal colleitase a súa primeira vitoria na elite do fútbol sala feminino estatal.
PRIMERA VICTORIA EN PRIMERA DIVISIÓN!!!!
Enhorabuena chicas!!!! pic.twitter.com/stCqucky0N
— Marin Futsal (@marin_futsal) October 30, 2021
O Marín FutSal sae de postos de descenso
Con este resultado as galegas ubícanse na 12ª posición da táboa clasificatoria da Primeira División do Fútbol Sala Feminino da RFEF con 4 puntos, un máis que as catalás as que pasan por diante. Así o Marín FutSal sae de postos de descenso.
As futbolistas que adestra o técnico Raúl Jiménez suman dúas xornadas consecutivas sen perder xa que na xornada cuarta sumaran o seu primeiro punto ao empatar precisamente con outro dos equipos galegos da categoría, o Ourense Envialia (1-1). As de Morenín tamén gañaron e fixeron por 0-4 a domicilio ante o Atlético Torcal.
No terceiro partido de equipos galegos desta xornada de sábado, o Pescados Rubén Burela tamén vencía. No seu caso en Vista Alegre, onde se impoñía 4-0 ao Sala Zaragoza.
O Burela vence e convence ante o Sala Zaragoza ao que se impuxo 4-0
