Teldeportivo e Cidade de As Burgas GLS asinaron un empate a tres goles. Un resultado e un reparto de puntos que non axuda a ningún dos dous equipos, pero que deixou un bo sabor de boca en ambos os dous conxuntos en palabras dos técnicos, Cristina Gimeno e Manolo Codeso que vían ese primeiro punto acadado un primeiro paso para seguir sumando.
Táboas. Nin para ti, nin para min. Así rematou o partido entre dúas escuadras necesitadas de triunfos que, unha semana máis, non coñecen o sabor da vitoria no que vai de competición nesta liga 2020- 2021 na Primeira División do Fútbol Sala da RFEF. Con todo, as dúas sumaron o seu primeiro punto e deixan de ver a cero o seu casilleiro.
O quinteto inicial das galegas o conformaron Lucía Nespereira, Clara Fernández, Fara Antolín, Lastra e Sonia Pacios. Aos dous minutos de xogo o Teldeportivo se adiantaba no electrónico anotando o 1-0 por medio de Gallegos e no minuto 13 do primeiro período sería Sonia Pacios a que poría de novo o empate no luminoso 1-1.
Para ledicia das galegas antes de poñer rumbo de vestiarios anotarían o seu segundo tanto por medio de Clara Fernández dándolle así a volta ao marcador e chegando ao tempo de lecer cun tanteo de 1-2.
Consumíanse os minutos da segunda metade sen que o luminoso sufrise cambios ate que as canarias empataban 2-2 por medio de Judit Dámaso. Restaban oito minutos para o final. E as ourensás apretaron á procura dos tres puntos. Volveron a conseguir perforar a meta rival, nesta ocasión o 2-3 foi obra de Lucía Nespereira. Pero cando o electrónico marcaba 1:30 para que soase a bucina, o Teldeportivo marcaba o 3-3 a través de Marina Benete.
Sen tempo para máis, o empate a tres tantos foi o resultado final que rexistrou o marcador en terras isleñas. O resultado deixa todo como estaba na táboa clasificatoria, ambas escuadras ocupan a cola sendo o farolillo vermello para o Cidade de As Burgas por ter encaixado tres goles máis.
Na próxima xornada, a sétima, o Teldeportivo visita as coruñesas do Viaxes Amarelle, que xusto o terceiras pola cola. Así que segue a súa ruta de encontros contra rivais directos pola permanencia. O caso contrario lle toca en sorte ao equipo ourensá que recibe no Paco Paz ao líder, o Futsi Atlético Navalcarnero.
FICHA TÉCNICA
Manolo Codeso: “Este punto dános confianza”
O técnico do Cidade de As Burgas GLS , Manolo Codeso, aseguraba tras o disputado choque en terras grancanarias que lle parecía “mentira que estivésemos os dous con cero puntos. Creo que a afección de Telde ten que irse contenta, viu un gran espectáculo”.
O adestrador explicaba que pese a non gañar “Este punto dános confianza. É verdade que o Telde pensará o mesmo. Ru voume coa sensación de que merecemos algo máis pero seguramente a adestradora rival dirá o mesmo. Pero hai que valorar este punto. Creo que os dous equipos estamos a traballar moi ben esta tempada. Eu estou a seguir ao Teldeportivo e está a facer un esforzo bárbaro, nós tamén”.
Manifestaba tamén Codeso que confía en que “este punto sirva aos dous equipos para coller confianza na categoría, empezar a puntar. Ímonos coa sensación de que puido ser máis, pero hai que valorar o punto xa que é unha cancha moi difícil”.
Manolo Codeso, adestrador do Cidade de As Burgas: “Ímonos coa sensación de que puido ser máis, pero hai que valorar o punto xa que é unha cancha moi difícil”
Sobre como foi o transcurso do partido o adestrador das ourensás narraba que, na súa opinión: “o primeiro tempo o vin moi ben para nós. Puxéronse por diante e seguimos remando. Pero hai que recoñecer que no segundo tempo elas nos primeiros minutos metéronnos o medo no corpo. Crearon ocasións, empatáronnos e logo atopámonos co 2-3 nunha gran xogada. Faltoulles un pouco de experiencia no xogo de cinco”, argumenta o preparador galego.
Remataba a súa intervención Manolo Codeso decindo: “Quero felicitalas polo traballo que están a facer. Oxalá que con este punto o mérito de ambos os equipos véxase reflectido nas próximas xornadas”.
🎦1ª División Fútbol Sala Femenino
Gran Canaria @Teldeportivo 🆚 @cidadeasburgas🗣️Declaraciones de @CrisGiBa6 y @mcodeso tras el partido que enfrentó a sus equipos#Teldeportivo #FutbolSalaFemenino @SomosFutsal pic.twitter.com/NayQM0QJty
— Teldeportivo (@Teldeportivo) November 22, 2020
Cris Gimeno: “O punto sábenos a vitoria”
En declaracións aos medios ao final do partido, a entrenador local, Cris Gimeno, aseguraba que “o máis importante é que por fin rompemos a lata e puntuamos. Posiblemente non fose noso mellor partido pero seguimos no proceso de competir”.
Na opinión da adestradora das canarias poñerse por diante “tan axiña aínda nos pesa demasiado e beneficiou ao rival que sacou partido dos erros que cometemos. Sabiamos que as transicións serían moi rápidas e froito dello levaron 2 goles”, explicaba .
Gimeno felicitou ás súas xogadoras “polo cambio de actitude que tivemos na segunda parte. Souberon reporse ao 1-2 ao 2-3 e ao final quédome con ese punto que nos sabe a vitoria”.
El @Teldeportivo sumó su primer punto en la 1ª División de Fútbol Sala femenino frente al @cidadeasburgas, que también se estrenó en su casillero. 3-3 en un emocionante partido disputado en el Centro Insular de Deportes de Las Palmas de Gran Canaria pic.twitter.com/rWHmoO4gPn
— Deportes TVCanaria (@deportetvC) November 22, 2020
