O primeiro paso do Dépor ABANCA na tempada 2023-24 na Primera Federación Iberdrola foi á fronte. As galegas asinaron unha vitoria por 1-2 ante o CE Europa con protagonismo de Elena Vázquez e Laurina. A remontada conseguíuse en dous minutos.
Aliñación d #asnosas para o partido da 1ª xornada da #PrimeraFederaciónIberdrola. Ás 11:00 h. no Nou Sardenya e en https://t.co/6nCpl5IOTJ, #EuropaDéporABANCA! pic.twitter.com/Ej6MekiwkW
— Dépor ABANCA (@RCDeportivoFem) September 10, 2023
Debut con triunfo para as xogadoras que adestra Irene Ferreras no arranque ligueiro que fixeron a domicilio en terras catalás ante un debutante na categoría, o CE Europa.
— Dépor ABANCA (@RCDeportivoFem) September 10, 2023
Voltou ao terreos de xogo Ainhoa Marín, que ademais estivo no campo os 90 minutos ao saír de titular e non ser cambiada durante o encontro. Desde que fora operada en xuño unicamente tivera uns minutos de xogo no úlitmo partido da pretempada. A súa recuperación foi tan aquelada que chegou xusto para que estivese a pleno rendemento na primeira xornada de Liga.
A primeira parte do partido non houbo moitas ocasións nin tampouco podería decirse que o control do esférico tivo un dono claro. Como moito un par de ocasións para cada conxunto pero sen materializarse. Chegouse así ao descanso co 0-0 inicial.
A entrada da canteirana Elena pola súa compañeira Monteagudo (tamén froito da canteira deportivista) pretendía implementar cambios que non houbo tempo a que se produciran xa que o CE Europa se adiantaba no marcador. A xogada das catalás chegou a raíz dun centro lateral que Patricia Mascaró rematou no punto de penalti para facer ou 1-0. Corría o minuto 37 de xogo e ese tanto marcaría o segundo tempo.
Remontada do Dépor ABANCA en 2 minutos
Tardou un chisco en refacerse pero o Dépor ABANCA deu un paso a diante. As branquiazuis fixéronse co dominio do encontro e empezaron a acumular ocasións.
No minuto 65 entraría no campo Cris Martínez e sairía Samara, e o no 69 sería momento para que Ayaka deixara o seu lugar a AdT.
#EuropaDéporABANCA: cambios n #asnosas, Cris Martínez e Ana de Teresa entran no lugar de Ayaka e Samara. pic.twitter.com/w0VypjImhI
— Dépor ABANCA (@RCDeportivoFem) September 10, 2023
Anticipou a remontada que viría minutos máis tarde unha falta lateral que Elena Vázquez colgou e que Raquel García cabeceu batendo a porteira local. Con todo, o gol anúlaríase por fóra de xogo.
En dous minutos as galegas lle darían a volta ao marcador. No 86 chegou a igualada. Laurina recibiu o esférico pegada a liña de cal, encarou e puxo un gran centro, que acabou rematando Raquel a pracer. Era ou 1-1.
No segundo, Laurina volvía ser protagonista ao rematar coa dereita un centro que Elena colocou con precisión na área, foi o 1-2 definitivo.
FICHA TÉCNICA
1) CE EUROPA: Alba, Chami, Queralt, Pili Porta, Mascaró (Fati, min. 84), Bové, Albeta, Aina, Sarita (Magda, min. 78), Clara (Ibra, min. 65) e Manau.
2) RC DEPORTIVO ABANCA: Yohana, Samara (Cris Martínez, min. 65), Inés Altamira, Raquel García, Monteagudo (Elena, min. 46), Henar, Ayaka (Ana de Teresa, min. 69), Laurina, Paula Gutiérrez, Ainhoa Marín e Millene.
GOLES: 1-0 Mascaró (min. 47); 1-1 Raquel (min. 86); 1-2 Laurina (min. 87).
EQUIPO ARBITRL: Claudia Cebollada López (c. valenciano). Amonestou a Mascaró, Albeta e Pili Porta por parte do CE Europa e a Inés por parte do Dépor ABANCA.
INCIDENCIAS: Partido da primeira xornada de liga na categoría de prata do futfem estatal, a Primera Federación Iberdrola, disputado no estadio Nou Sardenya ante 707 espectadores. O partido puido verse ao vivo no Twitch de BTVSports twitch.tv/btvesports.
