“Ninguén regala nada”, advertía a adestradora do Dépor ABANCA antes do partido contra o CP Cacereño. Logo dunha traxectoria que as situaba líderes invitas e cun so empate (na segunda xornada co Oviedo Moderno), as coruñesas sufriron nesta cuarta xornada a súa primeira derrota neste curso 2022-23 e ademais por goleada (4-0).
Avisaba Irene Ferreras adestradora do Dépor ABANCA na previa do partido contra o CP Cacereño que esta competición ten un “nivel de esixencia moi grande. Calquera rival, absolutamente calquera rival, pódeche quitar puntos”.
O Cacereño viña de gañar ao Athletic Club “B” (1-3), perder co SD Eibar SAD (1-2), e empatar co CDF Osasuna Femenino. Unha traxectoria errática en canto a resultados, pero que logo deste triunfo con goleada ás deportivistas na cuarta xornada abonda para colocar ás estremeñas por diante das galegas que caen á 4ª praza e perden o liderado Primera Federación.
Non tardou en chegar o momento no que o Dépor ABANCA recibou o golpe que vaticinaba a súa preparadora. Agora, as galegas terán que tirar de fortaleza mental e recompoñerse logo da goleada recibida en terras estremeñas. O seu potencial e o seu xogo seguen intactos. Todos os equipos tropezan nalgún momento. Se cadra é ata bo que sexa agora para que ese aviso da preparadora se asente nas mentes das xogadoras deportivistas e non se confíen ante ningún rival no que queda de tempada.
💚El partidazo de hoy no es más que el resultado de toda una semana de trabajo y más trabajo de jugadoras y cuerpo técnico.
⚽️ El fútbol no son sólo 90 minutos.
Victoria por 4-0 ante un hasta ahora invicto Depor.
¡SOMOS UNA!
⚽💚🤍⚽#Ahoraeselmomento #CPCFem pic.twitter.com/BIAUbJM0ZF
— Cacereño Femenino (@CacerenoFem) October 2, 2022
O Dépor ABANCA visitaba ao CP Cacereño á procura de manterse no liderado na Primera Federación. Irene Ferreras só realizou dous cambios respecto ao partido contra do DUX: rotación na portería e a entrada de Eva Dios por Marta Charle.
Ambos os dous equipos dedicaron os primeiros minutos do encontro a tentear ás rivais, pero con máis control de xogo e de balón por parte do Dépor ABANCA. Esas sensacións iniciais foron cambiando camiño do minuto 20 no que Manoly, desde a frontal, obrigou a voar a Yohana para despexar a córner. Precisamente froito dese primeiro saque de esquina chegou o primeiro tanto do conxunto local. Botaba a pelota desde o curruncho Ayaka e remataba Manoly Baquerizo entrando desde atrás (1-0). Abríase a lata.
Poucos minutos despois puido facer o segundo Nerea, pero na cara a cara con Yohana o duelo foi para a porteira deportivista.
Ao Dépor ABANCA custáballe atopar espazos para causar perigo en área local. Tan só unha falta colgada que sacou a zaga estremeña e un centro chute raso no minuto 40 de Ainhoa, blocado abaixo por Tatiana, incomodaron ás cacereñas antes do tempo de descanso.
Non transcorreran nin 20 segundos tras o paso por vestiarios cando Edna atopouse encima a Yohana na frontal da área cando xa encaraba a portería.
No bando herculino, Carlota, que viña de entrar no campo había pouco, serviu o balón ao punto de penalti cara á súa compañeira Millene que, soa, non puido golpear cara á portería a chegada máis clara até ese momento no partido.
O Cacereño encarrilaría o partido após dunha recuperación de Manoly, servizo para Edna que, xenerosa, cedeu a Castañeda para pór o segundo gol no marcador (2-0).
O Dépor ABANCA encaixa dous goles en cinco minutos
As locais meteron a quinta e en cinco minutos de xogo anotaron outros dous goles noqueando ás galegas. O primeiro en recuperación na frontal de Edna que serviu para Castañeda que, desde fóra da área, anotou un auténtico golazo (3-0). Desde a outra banda sería Tania quen recibiría o esférico, era o primeiro balón que tocaba no partido xa que acaba de incorporarse. O seu foi chegar e enchar xa que rematou de semivolea e puxo o 4-0 no marcador decidindo o partido para as locais.
Non baixou os brazos o Dépor ABANCA intentaron as pupilas de Irene Ferreras anotar polo menos un tanto, o da honra, pero non foi posible. Aconteceu así nesta cuarta xornada ese tropezo que sempre chega nalgún momento da tempada. Primeira derrota e, ademais, con goleada. Toca seguir traballando nun bloque que ilusiona e que traballa por un obxectivo final claro: o ascenso.
FICHA TÉCNICA
4) CP CACEREÑO: Tatiana, Hitomi, Leivis, Midori, Ayaka (Guede, min. 56), Castañeda, Manoly (Tania, min. 69), Nerea (María Jesús, 80), Akari (Elsa, min. 46), Edna e Mireia (Santibañez, min. 80).
0) DÉPOR ABANCA: Yohana, Cris Martínez, Inés Altamira, Raquel García, Samara, Paula Gutiérrez, Henar, Ainhoa Marín, Eva Dios (Carlota, min. 55), Laura Fernández (Charle, min. 55) e Millene.
GOLES: 1-0 Manoly (min. 21); 2-0 Castañeda (min. 62); 3-0 Castañeda (min. 68); 4-0 Tania (min. 70).
EQUIPO ARBITRAL: Trujillano Gallardo (c. andaluz). Amoestou a Ainhoa (min. 19), Ayaka (min. 52).
INCIDENCIAS: Partido correspondente á cuarta xornada da Primera Federación do FutFem estatal disputado no Centro Deportivo Federativo Manuel Sánchez Delgado en Estremadura.
