O novo ano 2022 tráelle ás liceístas o retorno á rutina dos adestramentos, dos partidos e da loita por acadar os máximos puntos posibles para manterse na elite do hoquei a patíns estatal. O primeiro cruce do ano para o ó HC Deportivo Liceo enfróntalle, mañá sábado 8 de xaneiro, ao CP Voltregà (12:30h). O Pavelló Olivares de la Riva será o escenario dun duelo complicado co obxectivo de consolidarse na zona media da táboa, aínda que sempre con aspiracións a metas máis ambiciosas.
Tras oito partidos disputados as xogadoras que adestra Stanis García ocupan o oitavo posto da OK Liga con sete puntos no seu casilleiro. Dez, realmente, pero cunha penalización de tres por non se presentar a un partido pendentes de coñecer se había positivas en COVID-19 entre as xogadoras que ían viaxar. Non resta mérito ó bo curso das liceístas, máis que dignas despois dun complicado tramo inicial ante os colosos da competición; e triunfantes nas dúas derradeiras probas disputadas.
As liceístas remataban o 2021 con bo sabor de boca logo dun 4-1 ante o Vilanova e 1-4 na pista de Las Rozas
Convocatoria liceísta
Para esta novena xornada, o técnico verdibranco, Stanis García, contará coas seguintes xogadoras nas convocatoria do HC Deportivo Liceo: Viki Caretta e Mencía Mosquera como porteiras, María Sanjurjo, Alba Garrote, Adriana Soto, Alejandra Martín, Cris Diz e Lara Yáñez, como xogadoras de pista.
Por certo, Adriana Soto arrinca o ano 2022 no top cinco de máximas goledadoras da OK Liga con 11 dianas. Un ránking que encabeza con 14 goles Victoria Porta Escoda do CP Vila-Sana
O CP Voltregá é un rival motivado con problemas de gol
Oriol Perarnau é o adestrador do CP Voltregá que, hoxe en día, é un dos equipos membros da zona baixa debido da táboa na OK Liga logo das súas complicacións á hora de marcar. Resístelle o gol ás rivais do HC Deportivo Liceo. Tanto é así que o CP Voltregá é o segundo peor conxunto neste rexistro con tan só sete goles anotados, tres máis có colista Girona.
O cadro catalán é o antepenúltimo da OK Liga Feminina con catro puntos sumados. Levárono aí a súa única vitoria, ademáis doutro empate. Non será razón, aínda así, para saír á pista con excesos de confianza. A loita para sumar de tres será innegociable desde o minuto 1 e ata o 50.
