Fin de semana marcada no calendario para o baloncesto galego. A nova xornada de LF Endesa trae o derbi entre o Durán Maquinaria Ensino e o BAXI Ferrol no Pazo lucense. O duelo será este domingo, ás 18:00 horas.
Este venres, o conxunto anfitrión estivo visitando o Centro Educativo Galén, co que mantén un convenio de colaboración, e onde Alba Prieto e Fernán Varela adiantaron as súas impresións previas ao encontro.
Ganas de derbi
A xogadora expresou o seu desexo de que “haxa moita xente” para este derbi galego. “Ao final, pola situación na que estamos os dous equipos, creo que vai ser un partido moi competido e vai ser unha guerra. Todo o equipo ten ganas de xogar o partido”, engadiu.
Sobre as súas contrincantes, Prieto define ao BAXI Ferrol como un equipo “moi versátil, que xoga moi aberto, con moitos espazos e ao contraataque”. No bando contrario, as lucenses “defensivamente necesitamos estar moi activas e moi agresivas desde o inicio e marcar o ritmo que queremos no partido“.
O conxunto lucense está a vivir unha tempada complicada na LF Endesa, ocupando unha praza inesperada, despois de moitas semanas marcadas polas lesións e a COVID-19. “Son cousas que non esperas cando comeza a tempada, pero ás que che tes que ir adaptando e este tramo final de tempada o fixemos bastante ben. Estamos adestrando moi ben e creo que fumos superando pouco a pouco todo”, reflexiona.
Fernán Varela: “Somos un equipo que o da todo”
Pola súa parte, o adestrador Fernán Varela afirma que o Ensino é “un equipo que o da todo, que pelexa cada balón, que intenta xogar con alegría e un ritmo alto” e por iso anima á afección a “vir ao Pazo. Se somos capaces de transmitir iso cada día seremos capaces de enganchar a máis xente”.
O técnico insiste na importancia de contar unha vez máis co apoio da afección local, xa que o BAXI Ferrol non viaxará solo. Parte da súa bancada desprazarase ao Pazo para animar ás universitarias nun partido trascendental.
Precisamente sobre as ferrolás, Varela apunta que forman un equipo “moi versátil, con xogadoras que poden facer máis dunha posición, cunha gran ameaza no tiro exterior, ao que lle gusta xogar a ritmo alto sempre que pode. Xoga moito ao contraataque e é un rival que sabemos que está xogando moito, que vai vir con todo, coa súa xente e vai facer o partido moi difícil para nós“.
“Ferrol é un equipo ao que lle gusta correr, que sempre que pode aproveita as súas oportunidades para saír rápido en transicións”, explica. Por iso, “nós tamén o queremos ser. Vimos de ser un equipo que xoga rápido e espero un ritmo bastante alto, un partido con moitas posesións e espero que sexa un partido bonito para a afección”.
Varela: “Espero que sexa un partido bonito para a afección”
A clave do duelo para as locais pasará por “saír fortes, seguir fortes e rematar fortes”. Atendendo aos encontros previos, o adestrador prefire centrarse nesta nova oportunidade para a vitoria, vital para sumar e estar máis preto da salvación matemática.
“Estamos un pouco máis tranquilas despois das últimas vitorias, pero conseguir a salvación matemática é un obxectivo importante e calquera vitoria poderá achegarnos a rematar a tempada xogando polo playoff. Iso é algo que nos ilusiona e que queremos pelexar. Ten a mesma importancia que todas as que conseguimos ata agora e veremos se nos achega ao obxectivo ou non”, apuntou.
Colaboración do Ensino co Galén
Na súa intervención, o adestrador tamén agradeceu ao Galén que recibira ao equipo. Foi precisamente neste centro educativo onde estudou Alba Prieto cando era júnior, algo que recorda con cariño.
“Tratáronme coma se fose a miña casa, estiven moi a gusto e non me puxeron problemas en ningún momento. Para min persoalmente foi incríble porque coñecín a xente que agora é a miña amiga e faime deixar parte do meu corazón en Lugo”, declarou a xogadora.
Coma ela, moitas xogadoras júnior do Ensino son parte vital do equipo no día a día. Cun plantel tocado polas baixas e as molestias temos que tirar sempre das júnior e das vinculadas, que son moi importantes para adestrar”, subliñou Varela, quen engade que o equipo traballa “intentando facer o mellor día a día posible para saírr preparadas ao partido”.
Un ano máis, club e institución seguen a traballar xuntas entendendo o deporte “na mesma liña” malia os tempos convulsos e complicados, e favorecendo que as rapazas
