A sede da Deputación Provincial de Lugo albergou este luns a presentación oficial dos amigables entre as Seleccións de Galicia absolutas masculina e feminina de fútbol sala ante as de Cataluña, encontros que se disputarán os días 3 e 4 de xullo no Pavillón Municipal dos Deportes da localidade.
A cita coa que se deu o pistoletazo de saída contou coa presenza de Efrén Castro, vicepresidente da Deputación Provincial de Lugo; Julio Mougán, presidente do Comité Galego de Fútbol sala; e Javier Regueiro, vicepresidente do Ribeira FS.
Os tres coincidiron á hora de resaltar que esta cita Galicia vs Cataluña será “unha auténtica festa do fútbol sala en Lugo”. “Estamos encantados de poder ser a casa de Galicia e de Cataluña durante uns días e estamos seguros que a afección vai responder”, apuntou Efrén Castro.
Pola súa banda, o máximo responsable do fútbol sala en Galicia, Julio Mougán, quixo agradecer á Deputación Provincial de Lugo, ao Concello de Lugo, á Xunta de Galicia e ao Ribeira FS para poder levar este evento adiante. “É outra cita histórica para o fútbol sala galego”, destacou Mougán.
Ver esta publicación en Instagram
Venda de entradas dos partidos Galicia vs Cataluña
Xa están á venda as entradas para asistir aos dous partizados entre as seleccións absolutas masculina e feminina de fútbol sala que van disputarse o venres 3 e o sábado 4 de xullo.
O partido masculino xógase o venres 3 ás 20:30 horas e o feminino o sábado 4 ás 11:30, os dous no Pavillón Municipal de Deportes de Lugo.
Os prezos das entradas é o seguinte:
- 10€ para cada partido
- 15€ o abono para os dous partidos
- Gratis para os menores de 16 anos
As entradas poden adquirirse xa na plataforma Cluber á que se pode acceder no seguinte enlace:
Tamén estarán disponibles en taquilla os días de partido.
Bea Seijas e Juanma Marrube, seleccionadores galegos absolutos de fútbol sala
