A triatleta paralímpica galega Susana Rodríguez Gacio opta ao Premio Laureus 2022 como Mellor deportista con discapacidade segundo fixo pública a organización. Tamén están la lista de aspirantes a tenista Diede de Groot, a ciclista Sarha Storey, o tenista Shingo Kunieda, o ciclista Jetze Plat e o atleta Marcel Hug.
O resultado destes premios darase a coñecer no mes de abril. Segundo explican desde a organización, “a Academia Laureus formará un xurado composto por moitos dos máis grandes medallistas de ouro olímpicos, campións do mundo e os máis famosos triunfadores no deporte. Este grupo proporciona a visión e a comprensión do que fai un logro deportivo excepcional e o concepto de “atletas celebrando aos atletas” garante o valor dos premios para o mundo do deporte de forma máis ampla”.
En 2021, a paratriatleta foi ouro na categoría PTVI nos Xogos Paralímpicos de Toquio e tamén asinou o ouro no Mundial. A galega participou tamén nos XX.PP. de 2021 na proba de atletismo dos 1.500 m na categoría T11 na que acadou diploma olímpico. A galega fixo historia non so por acadar un ouro e un diploma, que tamén, senon por ser a primeira deportista española paralímpica en competir nuns mesmos Xogos en dúas disciplinas deportivas diferentes: tríatlon e atletismo.
A triple world champion, prior to the Tokyo @Paralympics, @SuRGAcio had won every title in Para triathlon except one. She changed that in 2021 when she won gold in the triathlon PTVI to secure her first Paralympic medal 🥇 pic.twitter.com/gsFXRONWuY
— Laureus (@LaureusSport) February 2, 2022
Na súa ficha na candidatura aos Premios Laureus 2022 a organización di que Susana Rodríguez Gacio “gañara todos os títulos en Paratríatlon menos un. Todo cambiou en Tokio cando gañou o ouro no tríatlon PTVI, a súa primeira medalla paralímpica. Tres veces campioa do mundo e dúas veces campioa de Europa (2014 en PT5, 2019 en PTVI), compaxina o seu deporte co seu traballo na medicina. Licenciouse en Fisioterapia en Vigo e fíxose médica, a pesar da súa discapacidade visual. Exemplo de inclusión, é recoñecida en toda España polos seus valores e o seu logro deportivo. O seu traballo como doutora na pandemia foi recoñecido aparecendo na portada da revista Time en xullo”.
Con quen compite Susana Rodríguez nos Laureus?
Segundo anuncia desde os Premios Laureus, na categoría de Mellor deportista con discapacidade figuran como persoas aspirantes ao galardón, ademais da galega Susana Rodríguez Gacio, deportistas como “Marcel Hug, o atleta suízo en cadeira de rodas que logrou catro medallas de ouro (800 m, 1500 m, 5000 m e maratón)”.
Está tamén Diede De Groot, de quen explican que “completou o primeiro Golden Slam en tenis en cadeira de rodas, gañando os catro títulos Major máis o torneo olímpico; Shingo Kunieda gañou o tenis en cadeira de rodas masculino e o cuarto ouro olímpico da súa carreira; Jetze Plat gañou tres ouros en dous deportes: triatlón e ciclismo de estrada; e finalmente está na lista de aspirantes a deportista paralímpica británica Sarah Storey que atesora tres ouros como ciclista en Xapón”.
🙌 Our Nominees for the 2022 Laureus Sportsperson of the Year with a Disability Award:
🎾 @DiedetheGreat
👨🦽 @MarcelEricHug
🎾 @shingokunieda
👨🦽 @JetzePlat
🏃♀️ @SuRGAcio
🚴♀️ @DameSarahStorey#Laureus22 pic.twitter.com/MkSrvXRJ2m— Laureus (@LaureusSport) February 2, 2022
No que atinxe á lista de deportistas españolas e españoles nesta lista de aspirantes aos Premio Laureus 2022 figura tamén a futbolista Alexia Putellas e o seu club, o FC Barcelona, ademais de Marc Márquez, Alberto Ginés e Pedri González.
Os nomeados para a 23ª edición dos Laureus World Sport Awards, inclúen algúns dos maiores atletas do planeta. Segundo explican desde a organización “os medios de comunicación do mundo votaron en sete categorías para homenaxear aos deportistas, deportistas e equipos que marcaron novos estándares nun ano como ningún outro”.
Entre as persoas gañadoras do pasado ano estivo o tenista español Rafa Nadal,
Consulta aquí a lista completa de persoas que optan aos Premios Laureus 2022
