O Concello da Coruña anuncia que ten previsto construír unha pista multideporte que completará o espazo de ocio no ámbito da praza da Tolerancia, en Labañou, e que ten un orzamento de licitación de 195.000 euros.
A instalación responde a unha petición da veciñanza para que se dotase ao barrio dunha pista para a práctica de distintos deportes. A mesma situarase xunto ao parque infantil e á área biosaudable que o Concello está habilitando, e que inclúe distintos aparatos de ximnasia para que as persoas maiores poidan facer exercicio físico.
Segundo a alcaldesa coruñesa, Inés Rey, a actuación busca pór en valor a zona da praza da Tolerancia tanto para o uso deportivo como para o uso lúdico, e facilitarlle á veciñanza a realización de actividades deportivas.
Os traballos inclúen a construción da pista, así como a instalación do equipamento deportivo necesario nese espacio na praza da Tolerancia. Tamén se contempla a plantación de árbores nas zonas verdes e a instalación de rego para estas.
