As padexeiras Teresa Portela e Sara Ouzande acadaron a medalla de prata na proba de K2 500 metros no Mundial de piragüismo. Galega e asturiana quedaron a 20 centécimas (0:38.96) das gañadoras Hungría (Anna Lucz e Blanka Kiss 0:38.76). Foron de menos a máis e superaron a Canadá, anfitroas, por 3 centécimas (Andreanne Langlois e Toshka Hrebacka 0:38.99). Nada máis cruzar a boia de meta foron á auga.
Podes ver aquí a regata da prata de Portela e Ouzande en RTVE.
Ambas as dúas regatistas, Teresa Portela e Sara Ouzande, formaban parte do K4 que competía na distancia de 500 metros xunto coa tamén galega Carolina García, e Laia Pelachs. Neste caso o cuarteto finalizou na cuarta posición a tres centécimas de subirse ao podio neste Mundial de Canadá 2022 (1:33.27 +0:02.56).
🔥 @teriportela y @OuzandeSara se clasifican para la final del K2 200 tras liderar su serie de principio a fin.
🎙 “El sábado tendremos dos finales y queda hacer lo más importante el sábado”#SomosPalistas | #CanoESP pic.twitter.com/HtmI6XC8It
— PiragüismoEspaña (@RFEPiraguismo) August 3, 2022
Venceu o K4 de Polonia cun tempo de 1:30.70 conformado por Anna Pulawska, Adrianna Kakol, Dominika Putto e Karolina Naja. A prata foi para Australia cun crono de +0:02.7 (1:32.78) no que vogaron Alyssa Bull, Alexandra Clarke, Ella Beeke e Yale Steinepreis. O bronce foi para o K4 de México conformado pola padexeiras Isabel Romero, Beatriz Briones, Karina Alanis e Maricel Montemaior cun tempo de 1:33.24 (+0:02.53).
Teresa Portela: “Fixemos unha tempada moi boa”
Na súa conta de Instagram a padexeira galega Teresa Portela falaba do “increíble” que foi este campionato do Mundo. Lamentaba “non ternos levado para España a medalla de bronce no K4. Traballámolo moito e ao final quedámonos fóra do podio por 0.03 centésimas a medio segundo da prata”. “Coido que fixemos unha tempada moi boa, cun proxeto novo e unha primeira tempada sendo prata na Copa do Mundo, e cuartas no Mundial. Non está mal para empezar”, reflexionaba a deportista olímpica galega.
Sobre o K2 dixo “encantoume. Goceina moito”
Ver esta publicación en Instagram
